Tabloid.az
“Qanlı yanvar”ın yaradıcı heyəti Şəhidlər Xiyabanında - Fotolar, Video
İki aydan sonra 20 Yanvar hadisələrinin 25-ci ildönümü
tamam olur. Tabloid.az anspress.com-a istinadən xəbər verir ki, bu
ərəfədə rejissor Vahid Mustafayevin həmin hadisələrə həsr etdiyi
“Qanlı yanvar” filminin intensiv çəkilişləri gedir. Bu filmdə
Birləşmiş Ştatlar, Türkiyə və İranın məşhur aktyorları rol alıb.
Tamaşaçıların “Santa Barbara” serialından Meyson kimi tanıdığı Lane
Davies və Türkiyənin məşhur aktirsası Nebahat Çehre bu gün filmin
yaradıcı heyətinin tərkibində 20 Yanvar hadisələrinin qurbanlarını
və Qarabağ müharibəsində həlak olmuş şəhidləri yad etmək üçün
Şəhidlər Xiyabanında olub.
ANS TV-nin məlumatına görə, Vahid Mustafayevin rejissorluğu ilə
çəkilən “Qanlı yanvar” filminin aktyor və yaradıcı qrupu hadisə
qurbanlarını anmaq üçün Şəhidlər Xiyabanını ziyarət etdilər.
Aktyorlar demək olar ki, həmin qırğının təsiri altında idilər.
“Əsgərlərin, qurbanların yaşı mənə çox təsir etdi. Onlar çox cavan
idilər. Çünki mənim də 20 və 24 yaşında iki oğlum var və bu mənə
çox təsir etdi” – deyə amerikalı aktyor Lane Davies bildirib.
“Bacardığımız qədər o hissləri tamaşaçıya çatdırmağa çalışacayıq.
Eyni zamanda hər bir aktyor bu filmdə rol aldığına görə şərəf hissi
duyur” – deyə aktyor Azər Aydəmir vurğulayıb.
Filmin yaradıcı heyəti çoxmillətlidir. Onların sırasında İrandan,
Rusiyadan, Amerikadan və Türkiyədən olan peşəkarlar var. Türk
dünyasının ən tanınmış aktrisalarından biri olan Nebahat Çehre
filmdə baş rollardan birini oynayır.
“Müstəqillik adına istehsal olunacaq bu - “Qanlı yanvar” filimidə
yer aldığıma görə, çox şərəfləndim. Çünki, bu film həm dünya üçün
çox önəmli, həm də mənim üçün”, – deyə türkiyəli aktrisa Nebahat
Çehre qeyd edib.
Operator Afşin Əlizadə isə İran İslam Respublikasının azadlıq
mübarizəsinin şahidlərindən biridir. Buna görə də Azərbaycanın
azadlıq savaşını yaxşı anlayır.
İranlı rejissor Afşin Əlizadə deyir ki, bu film dünyada insanların
ürəklərində bir yeri olacaq, çünki insanlar biləcəklər ki, ittifaq
zamanda hansı faciə baş verib.
Hazırda qızğın çəkilişlər gedir. Məkan baxımından da fərqlənin
filmin 100 dəqiqəlik xammal hissəsi artıq çəkilib. Rejissor Vahid
Mustafayev yaradıcı heyətin işindən razıdır:
"Vəzifə nə qədər ağır olsa da, o, bizdən əlavə ürək, yaradıcılıq və
güc tələb edir. Bizim beynəlxalq komandamız – amerikalı, iranlı,
rusiyalı, türkiyəli və başda azərbaycanlılar da olmaqla bu cətin
vəzifənin öhdəsindən düşünürəm ki, gəlməyə müvəffəq olacağıq. Və 20
Yanvar günü “Qanlı yanvar” filmini Azərbaycan tamaşaçılarının
qarşısına çıxara biləcəyik”.
“Qanli yanvar” filminin çəkilişlərində maksimum real effektin
alınması üçün mümkün olan bütün vasitələrdən istifadə edilib.
Azərbaycanın müstəqillik mübarizəsindən bəhs edən “Qanlı yanvar”
filmi bu mövzuda 25 il ərzində çəkilən ilk film olacaq.
Yeri gəlmişkən, dünən rejissor Vahid Mustafayevin 20 yanvar
hadisələrindən bəhs edən "Qanlı yanvar" filminin yaradıcı heyəti
Şəhidlər Xiyabanını ziyarət edib.
ANS PRESS-in mlumatına görə, məşhur amerikalı kinoulduz Leyn Devis
və Türkiyənin tanınmış akltrisası Nəbahət Çehrə də ziyarətçilər
arasında olub. Azərbaycanla yanaşı İran, Rusiya, Türkiyə və ABŞ-dan
olan aktyor heyəti 20 yanvar şəhidləri, qurbanları və eləcə də
Milli Qəhrəman Çingiz Mustafayevin məzarını ziyarət ediblər.
Çəkiliş kollektivi şəhidlərin məzarı üzərinə çiçək dəstələri
düzüb.
Rejissor Vahid Mustafayev tanınmış aktyorlara 20 yanvar hadisəsi
haqqında məlumatlar verib. 20 yanvar hadisələrində şəhid olan və
eləcə də düşmən gülləsinin qurbanı olan insanlar haqqında danışan
rejissor, bu hadisənin Azərbaycan tarixində mühüm yer tutduğunu
bildirib.
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ
-
İnanc28 Mart 21:24
Ramazanın 19-cu gününün duası - İmsak və iftar vaxtı
-
Sosial28 Mart 20:24
Şahmar Hüseynova yeni VƏZİFƏ VERİLDİ - FOTO