Tabloid.az
Avropanın ən yaxşı 6 şoppinq şəhəri
Qarşıdakı tətil günlərində səyahət etməyi planlaşdıran və qarderobunu yeniləmək istəyənlər yəqin ki, az deyil. Xüsusən Avropaya üz tutmaq istəyən, ancaq hansı mağazalara gedəcəklərini bilməyənlər varsa, bu yazı onlara faydalı olacaq. Tabloid.az buro 247.az saytına istinadən Avropanın şoppinq üçün ən əlverişli 6 şəhərini təqdim edir.
Paris
Moda paytaxtında endirimlər (soldes) ildə iki dəfə olur. Birincisi
yanvarın ikici yarısından, digəri iyunun sonuncu şənbə günündən
başlayır. Təxminən 4-5 həftə davam edən endirimlərdə qiymətlər
əvvəlcə 30%, daha sonra isə 70-80%-ə qədər enir. İstər demokratik
markalara, istərsə də lyuks brendlərdən alış-veriş üçünsə Rivoli
küçəsinə getmək lazımdır. Burda hər cibə uyğun mağazanı tapmaq
olar. Paltara çox pul xərcləmək istəmirsinizsə, Monmartrın aşağı
hissələrində yerləşən "TATI"-yə, ayaqqabı üçünsə "Andre"yə gedin.
"Armani", "Prada", "John Galliano" və s. kimi məşhur brendlərdən
alış-verişi "Printemps" və "Galeries Lafayette" univermaqlarında
edə bilərsiniz. Vintaj geyim həvəskarısınızsa, "Espace Kiliwatch"
second-hand mağazası yaxşı variantdır. Əsas ticarət mərkəzləri
bunlardır: Saint-Ouen (Porte deClignacourt metrosu), Porte deVanve
(eyni adlı metro), Porte deMontreuil (eyni adlı metrо), Village
Saint-Paul (Saint-Paul metrosu).
Milan
İtaliyanın ikinci ən böyük şəhərində endirimlər (sconti) qışda
yanvarın 1-dən fevralın 20-ə, yayda isə iyulun 10-dan avqustun 31-ə
qədər davam edir. Ümumilikdə 40-70 faiz endirim müşahidə olunur.
Şoppinq üçün Via Sant'Andrea, Via Monzani, Via Montenapoleone və
Via Della Spiga küçələrinin kəsişməsi olan "dördbucaqlı" mərkəzdə
"Gucci", "Fendi". "Baldinini", "Sergio Rossi" tipli brendləri
tapmaq olar. Bu brendlərdəki endirimli malları "Serravalle Scrivia"
autletindən (Via della Modada yerləşir, ora Arquata Scrivia qatarı
ilə gedə bilərsiniz) əldə etmək mümkündür. Vittorio Emanuele II
prospektində isə italyan demokratik markalarından alış-veriş etmək
mümkündür. Milanda uşaqlara eksklüziv hədiyyələr almaq üçün "Disney
Store" da var.
London
50-70% arasında dəyişən endirimlər (sales) dekabr-yanvar və
iyun-iyul ayları arası olur. Oksford küçəsi daha çox demokratik
markalarla boldur: "Benneton", "H&M", "Marks&Spenser",
"Allders", "Debenhams", "Selfrige" və s. Daha lüks markaları -
"Chanel", "Armani", "Louis Vuitton", "Versace" isə Bond küçəsində
tapmaq olar. "Cartier", "Tiffany" və "Asprey" kimi məşhur
yuvelirlər və beş mərtəbəli "Fenwick" univermağı da Bond küçəsinin
yaxınlığındadır. Recent küçəsində əsasən İngiltərə istehsalı olan
mallara və uşaqlar üçün nəzərdə tutulan "Hamles" mağazasına rast
gəlmək olar. Gecə platarları üçün "Slone Square" metrosu ətrafında
olan "Ben deLisi's"ə, çanta almaq üçünsə "Lulu Bguinness's"ə gedin.
Kemden Taun metrosunun yanındakı alış-veriş yerlərindən printli
köynəklər, vintaj paltarlar, ayaqqabılar və aksessuarlar tapmaq
olar. Küçə-küçə gəzib alış-veriş etməyi sevmirsinizsə, "Westfield
Shopping" mərkəzinə gedib 250 butikdən istədiyinizi seçib alın.
Madrid
İspaniyanın paytaxtında endirim (rebajas) vaxtı şoppinq etmək
istəyisinizsə, biletinizi ya yanvardan marta, ya da iyuldan avqusta
qədər alın. "Gran Via" küçəsində ispan istesalı olan brendlərə,
həmçinin məşhur "Zara" və "Mango"nun böyük mağazalarına girə
bilərsiniz. Eleqant paltarlar üçün "Punt Roma"ya, yeniyetmə
geyimləri üçünsə "Custo"ya müraciət edin. Yaxınlıqda yerləşən "Gran
Via" metrosunun yanındakı "Corte Ingles" univermağı da köməyinizə
çata bilər. Ayaqqabı almağı sevirsinizsə, Augusto Figueroa küçəsinə
gedib "ayaqqabı dünyasına" baxın. Bahalı brendlər "Barrio de
Salamanca" rayonunda yerləşir. Brendlərin endirimli mallarını əldə
etmək üçün "Desigual Outlet Cavanilles"ə gedin. Bütün gününüzü
şoppinqə həsr etmək istəyirsinizsə, "Las Rozas Village"ə (Moncloa
metrosundan avtobusla 45 dəqiqəlik yoldadır), yox, əgər şoppinq
üçün cəmi iki-üç saatınız varsa, "Plenilunio" şoppinq-molluna
gedin. "Plenilunio" Baraxas hava limanının yaxınlığındadır.
Praqa
Bura şoppinq sevənlərin yeridir! İlin bütün fəsillərində Praqada
endirim (sleva) görmək olar. Paris küçəsindəki Müqəddəs Nikolay
məbədindən Köhnə Şəhər meydanına qədər "Christian Dior", "Louis
Vuitton", "Swarovski", "Armani", "Calvin Klein", "Escada Sport"
butiklərin, Respublika meydanına düşən Na Prikope küçəsində isə
demokratik markaların, eləcə də "Cerna Ruze", "Myslbek", "Slovansky
Dum" multibrend mağazalarından alış-veriş etmək mümkündür.
Vaslav meydanında yerləşən "Debenhams" AVM-də də kifayət qədər
"ekonomik" qiymətlərə şoppinq edə bilərsiniz. Ayaqqabı üçün
yaxınlıqdakı "Bata" mağazasına üz tutun. Havel bazarında orijinal
əl işlərinə rast gəlmək olar.
İstanbul
Əlbəttə ki, ölkəmizə ən yaxın məsafədə yerləşən "şoppinq şəhəri"ni
unutmaq olmazdı. İstanbulda endirimlər (indirim) qış və yay
fəslində müşahidə olunur. Ancaq iyun ayında "İstanbul Shopping
Fest" keçirilir ki, bu tədbir zamanı da əksər mağazalarda, hətta
brendlərdə də 50-70%-ə yaxın endirim edirlər. İstanbul xəz və dəri
sevənlər üçün əvəzolunmazdır, burada həmin malları Avropa
ölkələrinə nisbətən daha ucuz qiymətə əldə etmək olar. Xəz satılan
mağazaların əksəriyyəti Zeytunburnudadır. "Böyük Bazar"a əsasən
ipək parçalar, təmiz dəri gödəkçələr və zinət əşyaları almaq
istəyənlər baş çəksin. Əksər mağazalar, xüsusən yerli markalar -
"Koton", "Colins", "Mavi", "Collizone" və s. İstiqlal küçəsində
yerləşir. Müalicəvi otlar, bitkilər, toxumlar, nadir bitki kökləri
və kosmetika üçün Misir bazarına gedin.
Yadınızdan çıxmasın ki...
Ölkə xaricində alış-veriş edərkən (spirtli içkilər, yeyinti, tütün
məhsulları və s. bura daxil deyil) malın qiyməti daxilində
ödədiyiniz əlavə dəyər vergisini geri almaq haqqınız var. Bunun
üçün satıcıdan çek və "Tax Free" sənədini istəyin. Hava limanında
lazımi məntəqəyə yaxınlaşsanız, aldığınız hər malın qiymətinin
təqribən 10-15%-ni qaytarılacaq.
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ
-
İnanc28 Mart 21:24
Ramazanın 19-cu gününün duası - İmsak və iftar vaxtı
-
Sosial28 Mart 20:24
Şahmar Hüseynova yeni VƏZİFƏ VERİLDİ - FOTO