Tabloid.az

Unudulmaz anlar üçün tünd pomadalı dodaqlar - Fotolar

3 Dekabr 2014 19:03

Unudulmaz anlar üçün tünd pomadalı dodaqlar

Gözəl görünmək üçün az olsa da, makiyaj etmək çox vacibdir. Makiyaj simanı bir anda dəyişdirir və daha çəkici göstərir. Baxışlarımızın mənalı olması üçün ən azı gözlərə qara qələm çəkmək lazımdır. Lakin bu qış qaydalar bir az dəyişir və tünd rəngə təkcə gözlər deyil, dodaqlar da boyanır. Tünd dodaqlar özəl günlər üçün xüsusilə qış aylarında çox gözəl görünür. Son bir neçə aydır ki, zoğalı və qaraya çalan bənövşəyi pomada dodaqlardan düşmür.

Burada ən vacib olan şey isə tünd dodaqların bütün dəri tonları ilə mükəmməl görünməsidir. Bu səbəbdən hər kəs bu trendi rahatlıqla təqib edə bilər. Bu tendensiyanın digər üstünlüyü isə dişlərin normadan daha ağ və daha cəlbedici görünməsidir.

Qara pişik-gözü və ya parlaq göz kölgələri, ənlik və tünd pomadalı dodaqlar gündəlik görünüş üçün mükəmməldir. Ziyafət gecələrində isə tünd dodaqları dumanlı makiyajı ilə tamamlayın və hər kəsi valeh edin.