Tabloid.az
Dodaq qələmini çəkməyin ipucları - Fotolar
Son dövrün ən populyar kosmetik vasitəsi dodaq qələmləridir. Bəs siz ondan necə istifadə etmək lazım olduğunu bilirsiz?
Tabloid.az sizin üçün dodaq qələmindən düzgün istifadə qaydalarını araşdırıb.
Öncəliklə onu qeyd edək ki, dodaq qələmləri ötən əsrin 90-cı illərində qızıl dövrünü yaşayıb. Ancaq ötən 20 il ərzində uzaq durulması məsləhət görülən kosmetik vasitələrdən biri elan olunmuşdu.
Dodaq qələminin insanı olduğundan daha yaşlı göstərməsi fikri qadınlara məntiqli görünmüş və hamılıqla dodaq qələmindən imtina dövrü başlamışdı.
Ancaq Kim Kardaşyanın bacısı Kayli Cenner dodaq qələmlərini yenidən gündəmə gətiməyə nail oldu. Ötən həftə bej rəngli dodaq qələmi ilə dodaqlarını olduğundan daha iri göstərən Kardaşyan iştirak etdiyi tədbirdə bütün diqqətləri üzərinə cəmlədi.
İllər sonra yenidən makiyaj çantalarımıza qonaq gələn dodaq qələmləri vizajistlərin vaz keçilməz köməkçiləridirlər.
Belə ki, peşəkar vizajistlər istədikləri dodaq boyası rəngini tapa bilmədikdə, dodaqları qələmlə boyayıb üzərinə parıldadıcı çəkirlər.
Məşhur vizajist Raşel Qudvin isə təbii görünən dodaqlar üçün təkcə dodaq qələmlərindən istifadə etdiyini deyir.
Dodaq qələmi ilə dodaqlarınıza ideal forma verə bilərsiniz. Əgər dodaqlarınız nazikdirsə, qələmlə haşiyəyə alaraq dolğun dodaqlara sahib ola bilərsiniz.
Dodaqlara forma vermək istəyəndə həmişə dodağınızla eyni çalarda olan dodaq boyasından istifadə edin. Çalışın ki, qələmin rəngi dodaq boyası ilə eyni rəngdə və ya ondan 1-2 ton açıq olsun.
Qələmdən istifadə etmək dodaq boyasının və parıldadıcının qalıcılığını artırır.
Qələmi dodaq boyasından əvvəl çəkmək lazımdır.
Gecə makiyajı üçün eyni rəngdə qələm və dodaq boyasından istifadə etmək daha uyğundur.
Əgər dodaq boyanızın rənginin daha diqqətçəkici görünməsini və qalıcı olmasını istəyirsinizsə, dodaq boyasından sonra üzərindən qələmlə təktar keçin.
Ancaq dodaq qələmindən düzgün istifadə etməsəniz və həddən artıq qalın xəttlər çəksəniz, dodaqlarınız yaşlı qadınlarınkına oxşayacaq. Sallaq dodaqlarla gözəlliyinizə kölgə salmaq istəmirsinizsə, dodaq qələmindən həddən artıq istifadə etməyin.
Əvvəlcə dodaqların öz cizgisini təqib edərək qələminizi çəkin, daha sonra barmaqlarınızla qələmi yayın. Sonda dodaq boyanızı çəkib fırça ilə dodaqlara yedizdirin.
Qeyd edək ki, ən cazibədar dünya ulduzlarından biri olan, stil ikonası Rihanna da dodaq qələmlərindən istifadə etməyi çox sevir. Gözəl ulduz dodaqlarını bej çalarlarında olan qələmlə haşiyəyə alır. Bu, onun makiyajına daha təbii görünüş bəxş edir.
Tabloid.az
-
Avropa03:43
Meqan Markl Keyt Middletonun xəstəliyindən necə istifadə etdi? - ŞOK DETALLAR
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."