• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Qadınlar ərlərindən nələri gizlədirlər?

Qadınlar ərlərindən nələri gizlədirlər?

Deyirlər ki, bir gün qadınlar arasında sorğu keçirilib onlardan nə istədiyini soruşublar. Sonda qadının nə istədiyini tapa biliblər. Lakin qadın həmin anda fikrini dəyişib. Bu məsəli qadının nə qədər sirli və müəmmalı varlıq olduğunu çatdırmaq üçün çəkdim. Qadınların davranışları o qədər müəmmalıdır ki, bəzən bunları niyə etdiklərini heç özləri də anlamırlar. Bu səbəbdən kişiləri qadınları anlamadıqları üçün günahlandırmağa haqqımız yoxdur. Tabloid.az bu yazıda qadınların gizli tərəflərini və onların səbəblərini aydınlaşdırmağa çalışıb.

Qadınlar mağazadan, bazardan, butikdən və.s aldığı hər şeyi özünü xoşbəxt etmək üçün alır. Evə gələndə isə alış-verişə nə qədər pul xərclədiyini və pulun miqdarını hər zaman səhv deyir. Mütəxəssislər bunun yanlış hərəkət olduğunu deyirlər. Lakin qadınlar ərlərinin pul üstündə deyinmələrini eşitməmək üçün bu cür yalanlara əl atmalı olurlar.

Bağlılıq və məsuliyyət baxımından qadınlar kişilərdən daha vasvası olur. Kişilər qadınlar üçün evlənənə qədər ağ atlı şahzadə olsa da, evlənəndən sonra tam əksi olur. Həyatın heç də nağıllardan ibarət olmadığını anlayırlar və ərlərinə hirslənirlər. Lakin bu fikri çox zaman bəlli etmirlər.

Nə qədər modern və sərbəst olsalar belə, ərlərinin onların həyatına qarışmasını və müdaxilə etməsini istəyirlər. Lakin bunu çox zaman büruzə vermirlər. Günün sonunda ərinin isti qucağında yorğunluğunu ata bilməyən və sevgi görməyən qadın üçün sərbəstliyin heç bir mənası yoxdur. Qadınlar çox vaxt ərlərinin onları qısqanmasını, onların üzərində titrəməsini istəyirlər. Lakin bunu kişilərə hiss etdirmirlər.

Əvvəl görüşdükləri oğlanların daha yaxşı və mehriban olduğunu düşünsələr belə, heç zaman ərlərinə deməzlər. Çünki kişilər bunu qəbul edə bilməz, həm də onlar hər zaman birinci və ən yaxşı olmaq istəyirlər.

Qadınlar analarına oxşamaqdan çox qorxur və kişilərin “anam kimi danışırsan, anam kimi rəftar edirsən” kimi ifadələrinə qətiyyən səbir edə bilmirlər. Buna görə də ərlərinin yanında heç vaxt anaları kimi səhvlərini sərt şəkildə demirlər.

Qadınlar seksual və yaraşıqlı ulduzlarla özlərinin birlikdə xəyallarını qurarlar. Belə şeyləri qadınlar ərləri ilə qətiyyən paylaşmazlar.

Qadınlar sevdiyi insanla arasında baş verənləri rəfiqələri ilə bölüşür. Lakin bunu çox zaman etiraf etmirlər. Amma yaxşı olardı ki, iki şəxs arasında olan ailə daxili məsələlər gizli qalsın. (Təbii ciddi bir problem deyilsə...)

Ərlərinin boş-boş işlərlə məşğul olduğunun fərqində olsalar belə, bunu görməzdən gəlirlər. Ev işlərində kişilərin onlara kömək etməsini istəsələr də, istəklərini əksər hallarda dilə gətirə bilmirlər.

Qadınlar kişilərə bütün qəlbi ilə aşiq olurlar. Lakin evlilikdən sonra sevgi monotonlaşanda kişilərin onları daha əvvəlki kimi sevmədiyini qəbul edib dözürlər. Lakin bu düşüncələrini ərlərinə söyləyə bilmirlər.

Xəbər lenti

DAHA ÇOX XƏBƏR