Bu meyvəni yeyənlərin əsəbləri sakitləşir, xoşbəxt olur

Elmi adı passsiflora edulis olan və qonaqotu kimilər fəsiləsinin qonaqotu cinsinə aid bitki növüdür. Bu meyvə yuxusuzluq, stress, depressiya kimi psixoloji vəziyyətlərdə seretonin hormonunun ifraz olunmasına təsir edən təbii sakitləşdiricidir. Seretonin hormonunun ifrazı xoşbəxtlik hissini artırır. Bu meyvə həm də cinsi gücə də təsir göstərir.

Stressi aradan qaldırmaq üçün bitki mənşəli müalicələrdə bu meyvənin əvəzsiz rolu müəyyən olunub. Həmçinin meyvənin təbii şəkildə yeyilməsi təsirini daha gücləndirir.

Müasir dövrdə həyat tərzi, pəhrizlər və psixoloji faktorlar piylənmənin ən önəmli səbəbləri arasındadır. Passsiflora edulis meyvəsinin tərkibindəki pektim isə artıq çəkili insanlarda bağırsaqdan keçid müddətini uzadaraq bu xüsusiyyəti ilə toxluq təsiri yaradır və kökəlməyə qoymur.

Artıq çəki, diabet xəstəliklərinin yayılması, ürək-damar xəstəlikləri, xərçəng kimi xəstəliklərlə mübarizə xəstələri yorur və depressiyanı da özü ilə birlikdə gətirir. Depressiya isə xəstəliyin şiddətlənməsinə səbəb olur.

Xəstəliklərlə döyüşdə yaxınların dəstəyi və dərmanlarla müalicədən başqa, seretonin yəni, xoşbəxtlik hormonun yüksək səviyyədə olması da vacibdir. Qidalanma rasionunda tərkibində seretonin hormonu olan meyvə və tərəvəzlərə yer vermək bu baxımdan çox əhəmiyyətlidir.

Lif miqdarı yüksək olan, vitamin və mineralla zəngin olan qidalanma rejimi əsas tutulmalıdır.

Passsiflora edulis meyvədən mümkün qədər faydalana bilərsiniz. Ana vətəni Cənubi Amerika olan Braziliya, Argentina kimi tropik bölgələrdə yetişən və dünyada “passion fruit” adı ilə tanınan, özünə xas dadı və ətri olan bu meyvənin qida dəyəri də çox zəngindir. O, xarici bənövşəyi, içi çəyirdəkli quruluşa sahib olan ekzotik meyvədir.

Bu meyvənin 100 qramında 10.4 qram lif var. Bu dəyər gündəlik lif ehtiyacını 27 faizini qarşılayır. Aparılan elmi araşdırmalardan məlum olub ki, meyvənin tərkibindəki pektim maddələr, sellüloz toxluq hissi aşılayır, qan şəkərinə nəzarət etməyə kömək edir. 2-ci növ diabet xəstələrinin rahatlıqla istifadə edə bildiyi vurğulanır. Diabetli xəstə gündəlik meyvə porsiyasını aşmamaq şərti ilə istehlak edə bilər.

Amerika İllinois universitetində aparılan bir başqa araşdırmada isə həzm sistemindən həzm edilmədən keçən liflərin bağırsaqların işini yaxşılaşdırdığı məlum olub. 2-ci növ diabet, hiperkolesterolemi, hiperlipidemi kimi ürək-damar xəstəlikləri və kolon xərçənginin qarşısını almaqda kömək etdiyi təsdiq olunub.

Həm də ehtiras meyvəsi adlanan passsiflora edulisin 100 qramı 97 kalori və 30 mg C vitamini ehtiva edir. Bu dəyər gündəlik C vitamini ehtiyacının yarısını, A vitamini ehtiyacının da 43%- ni ödəyir. Bu, meyvənin antioksidant xüsusiyyətini daha da artırır. Bu təsiri immun sistemini də gücləndirir.