Afrodizyak effektli ədviyyat

Qara istiot şorbalara və yeməklərə dad verən, bütün mətbəxlərdə istifadə olunan ədviyyatlardandır. Ancaq bu ədviyyat sadəcə yeməklərimizə ləzzət vermir. Sağlamlığımız üçün çox faydalı olan qara istiotdan daha çox istifadə etməyiniz üçün bir neçə səbəb var. Tabloid.az bu icmalında həmin səbəblər haqqında məlumat verir.

Qara istiot mədə turşusunun miqdarını artıraraq həzmi yaxşılaşdırır. Mədənin qidaları daha yaxşı və tez həzm etməsi isə ishal, qəbizlik, kolit kimi xəstəliklərin qarşısını alır.

Bu ədviyyat qaz və sidikqovucudur.

Arıqlamaq istəyənlər də qara istiotdan çox istifadə etməlidirlər. Çünki qanda yağ miqdarını azaldır və yeni yağ hüceyrələrinin yaranmasının qarşısını alır.

Dəri xəstəliklərindən qorunmaq üçün də qara istiot ən yaxşı vasitədir. Londonda aparılan araşdırmalar qara istiotun tərkibindəki piperine adlı maddənin dərinin yenilənməsinə dəstək olduğunu göstərib. Yeməklərə qara istiot əlavə edərək dəri xərçəngindən qoruna bilərsiniz.

Qara istiot afrodizyak effektli ədviyyat hesab olunur. Cinsi gücü artıraraq daha aktiv və xoşbəxt seks həyatını təmin edir.

Bu ədbiyyat həm də antibakterial xüsusiyyəti ilə mikroblarla mübarizə apara bilir.

Bəlğəmgətirici xüsusiyyəti var. Bunun üçün balla qarışdırıb yemək lazımdır.

Təbii və güclü antioksidantdır. Tərkibindəki antioksidatlar sayəsində orqanizmi xərçəng, ürək və qaraciyər xəstəliklərindən müdafiə edir.

Sinir sistemini qüvvətləndirir.

Qan azlığından əziyyət çəkənlər də qara istiotdan yararlana bilərlər. Yüksək təzyiq, ekzema, bağırsaq iltihabı və romatizma xəstələrinə bu ədviyyatdan az istifadə etmək məsləhət görülür.

Tabloid.az