İradə fanatları problemli insanlar adlandırdı

Bu gün müğənni İradə İbrahimova “Günəbaxan” verilişinin qonağı olub. Tabloid.az xəbər verir ki, o, sənətində fasilə verməyindən, bu illər ərzində fanatlarının azalması barədə də danışıb.

“İnsanlar gündəm arxasınca qaçır. İndi fanat deyilən bir anlayış yoxdur. Fanat 60-70-ci illərdə var idi. Fanatlar indi kompüter arxasında oturan problemli insanlardır. Öz işlərini həll edə bilməyənlər, cırmaq atmaq istəyən insanlardır ki, kiminləsə dalaşmaq istəyir. İnsanlar sevgisizdirlər. ..”.

Müğənni həmçinin Türkiyədə yaşadığı ərəfədə daha çox türk sənət musiqisini və yerli xanəndələrin ifasında muğamları dinlədiyini bildirib. İbrahimova əlavə edib ki, Bakıya gələndə hər şey dəyişir.

“Bakıya gələn kimi əyalət estradasını eşitməyə başladım. Mən Vaqif Gərayzadənin mahnısını ifa etmək üçün dəridən qabıqdan çıxırdım. İndi isə təəssüf vəziyyət ayrı cürdür”.

Qeyd edək ki, tabloid.az uzun fasilədən sonra Bakıya gələn müğənnidən ilk və eksklüziv müsahibə alıb. Linkə keçərək həmin müsahibəni oxuya bilərsiniz.http://tabloid.az/news/14128