Tabloid.az

Kənan MM naxçıvanlılardan şikayət etdi

29 Dekabr 2014 13:26

Rejissor Kənan MM naxçıvanlılardan narazıdır

Rejissor Kənan MM naxçıvanlılardan narazıdır. Tabloid.az xəbər verir ki, rejissor naxçıvanlı iş adamlarından dəstək görmədiyini vurğulayır. O, yaradıcılığında millətinin sevgisinə arxalandığına işarə vurub: “Heç bir layihəsində naxçıvanlı iş adamlarından dəstək görməyən yeganə naxçıvanlı rejissor Kənan MM! Tək başına millətin sevgisi və duası ilə yaradıcılığa davam et”.

Rejissor 2014-cü ildə incitdiyi, üzdüyü insanlara da müraciət edib. Müğənni Röya Ayxanın üslubunun təkrarı sayılan paylaşımında rejissor özünə haqq qazandırıb: “2014-cü ildə kimi incitmişəmsə, kimin xətrinə dəymişəmsə, kimi üzmüşəmsə, yaxşı eləmişəm. Mən səbəbsiz heç kimi incitmərəm”.

Xatırladaq ki, Röya Ayxan da bu il ərzində incitdiyi adamlardan özünəməxsus qaydada üzr istəmişdi: “2014-cü ildə xətrinə dəydiyim, üzdüyüm, söydüyüm, döydüyüm, dalaşdığım hər kəsdən üzr istəyirəm. Ona görə üzr istəyirəm ki, 2015-ci ildə bunları yenidən etməyə üzüm olsun".