Bu dodaqlar öpməyə vadar edir – Video

Məşhur “Tom Ford” brendi yeni dodaq boyaları kolleksiyasını satışa çıxarıb. Məhdud sayda olan kolleksiya 50 çalardan ibarətdir. "Lips & boys" adlı kolleksiyaya daxil olan dodaq boyaları arasında 2015-ci ilin trend rəngləri olacaq narıncı, qırmızı, bənövşəyi və qırmızı rənglər xüsusillə diqqət çəkir. Açıq mavi, tünd boz, bozla bənövşəyinin qarışıq çalarları isə brendin cəsarətli addımı hesab edilə bilər.

Tabloid.az xəbər verir ki, brendin yeni məhsulları qədər reklam çarxları da diqqətə layiqdir. Bir çox məşhur simanın ehtiraslı şəkildə öpüşməsinin əks edildiyi videoçarxda modellər ən dəbli dodaq boyalarını nümayiş etdiriblər. Reklamda rol alan kişi modellərin də dodaq boyası çəkmələri diqqətdən yayınmayıb.

Qeyd edək ki, brend reklamlarında seksuallığı ön plana çəkməkdən heç vaxt çəkinmir. Axırıncı dəfə bu ilin ən bəyənilən ətirlərindən olan “Tom Ford Black Orchid” üçün cazibədar model Kara Delevin çılpaq şəkildə fotosessiya etdirmişdi.

Tabloid.az