Tabloid.az
“Sevgilim oldu, indi də ən yaxın dostumdur”
Publika.az Türkiyənin məşhur modeli Didəm Soydanın müsahibəsini təqdim edir:
- Qadınlar, adətən, qadınları bəyənməzlər, ancaq sən istisnasan…
- Ona görə ki, mən qadınları narahat edəcək qədər gözəl deyiləm. Məni gördükləri vaxt “Aaa, o qədər də gözəl deyilmiş ki. Yekə burnu var, başı da böyükdür. Dodaqları da incədir” deyirlər. Qüsurlarımı görüncə rahatlayırlar. Ona görə də mənimlə daha rahat münasibət qura bilirlər...
- Yox, bir daha nələr! Türkiyənin ən gözəl bədəni olan qadınısan. O saydığın şeylər qüsur deyil. Özü də mən yalnız gözəllikdən bəhs etmirəm, səndə fərqli enerji və etirazçı görünüş var.
- Təşəkkür edirəm.
- Necə oldu ki, model olmaq
istədiniz?
- Universitetdə oxuyarkən İstiqlal prospektindəki “Diesel”də
işləyirdim. Bir gün Ümit Ünal girdi mağazaya, alış-veriş edib
getdi. Saat yarım sonra təkrar gəldi və məndən “Dəfiləmə çıxarsan?”
deyə soruşdu.
- Sən nə dedin?
- Ağlıma gələni sayaqladım. “İşimi itirmək lüksüm yoxdur. İstirahət günümlə üst-üstə düşərsə, niyə olmasın?” dedim. Sonra təbii ki, nə dediyimin fərqinə vardım. İstirahət günümü dəyişdirib dəfiləyə çıxdım. O, ilk dəfiləm idi, sonra ardı gəldi.
- Neçə yaşında
idin?
- 19.
- “Diesel”də işləmək hardan
çıxmışdı…
- Universitetdə oxuyurdum, öz xərcliyimi özüm qazanmaq
istəyirdim. Maraqlıdır ki, mən həyatda nə istədiyimi həmişə
bilmişəm. Bir şeyi arzu edərkən belə kainata, tanrıya “bunu
istəyirəm” dedim. Olub-olmaması önəmli deyil, mənim istəyim açıq
idi. 18 yaş yarımımda "İstiqlal"da gəzərkən yan-yana düzülmüş bütün
mağazalar içərisində oranı gözüm tutmuşdu.
- Niyə?
- Gördüm içəridə qızılı saçlı bir uşaq var. Umut idi o, Umut Eker.
Sonradan sevgilim oldu, indi də ən yaxın dostumdur. Mən də bütün
üzü pirsinqli, qısasaçlı bir qız idim. İçəri girdim. Özümdən əmin
şəkildə əlimi masaya qoyub “Salam” verib, “Mən burada işləmək
istəyirəm” dedim. Gülərək “Yaxşı görək!” dedilər. Mağaza müdiri də
gəlmişdi. Ancaq mənim qərarlı davranışım xoşlarına gəldi, məni işə
götürdülər.
- Bu cür özünəinam hardandır?
- Anamdan! Anam nə istədiyini həmişə bilib. O da öz işinə mənim başladığım kimi başlayıb. Atam tekstil işiylə məşğul imiş o vaxt. Osmanbeydə mağazası, hətta binası varmış. Anam isə məktəbi yeni bitirmiş bir qız imiş, iş axtarırmış. Atamgilin mağazasını bəyənib, özündənəmin şəkildə içəri girib “Burda işləmək istəyirəm” deyib. Onu da işə götürüblər. Dörd ay sonra da atamla evləniblər.
- Anlaşılan, maraqlı bir ailədir. Dəqiq
haralıdırlar?
- Anam Bolqarıstan əsilli. Atam albaniyalı. Mən uşaqkən
atamın qohumlarının hamısı orda idi. Biz də yayda üç ay Albaniyaya
gedib orada qalardıq.
- Albaniyalılar inadkardırlar?
- Ooo, həm də necə. İnadkar və qərarlıdırlar. Ancaq mən sevirəm bu
xüsusiyyətlərini.
- Sən kimə oxşamısan?
- Atama. Kişiyə oxşayan bədən cizgilərim ona bənzəyir.
Anam eynən Gülşen Bubikoğludur. Uşaqkən ona heyranlıqla baxardıq,
yəni ki, o qədər gözəldir.
- Uşaqkən model olma arzuların var idi?
- Yox. Mən oğlan uşağı kimi idim. Heç əlaqəm yox idi elə şeylərlə. Orta məktəbdə həndbol oynayırdım. Sonradan dörd il Pertevinyalda profesional şəkildə oynadım. İdmana davam edib, idman akademiyasında irəliləməyi düşünürdüm. Modelliklə bağlı ağlımda heç nə yox idi. Həyatım boyunca sinfin ən zəif, ən çəlimsiz və arıq qızı idim. Heç kimlə qol-qola girib bağçada gəzə bilmirdim, çünki hamısından uzun idim. Sinəm də taxta kimi idi. Məktəbin son sinfinə qədər üzünə baxmırdılar. Nə oldusa, məktəbdən sonra oldu. Sonra qədər öz sözünü dedi, Ümit Ünal məni dəfiləyə çıxardı.
- Ümit Ünal nə gördü ki, səni seçdi?
- Məncə, bir anderoidə oxşamağım diqqətini çəkmişdi. Üzümün hər yerində pirsinq vardı. O, məndə həm qız, həm oğlan uşağı gördü. Onun dəfiləsindən sonra Hakan Yıldırımın dəfiləsinə çıxdım, sonra Özlem Süerin. Hamsı möhtəşəm modelyerlerdir. Anlayacağın qədərilə, mənim üçün çox sürətli bir başlanğıc oldu.
- Səncə, sənin fərqin nədir?
- İşimi görərkən müdhiş dəyişiklik olur məndə. Deyəsən, bundan qaynaqlanır.
- Necə?
- Sən indi məni burda gördüyün vaxt deyə bilərsən ki, “aaa
bunda bir şey yox imiş!” Ancaq sən gəlib məni bir də podiumda
görməlisən. Məsələn, dünən biri “Az öncə Didem Soydanı gördüm. Heç
də gözəl deyilmiş. O qədər sevindim ki!” deyə tvit yazıb. Amma məni
podiumda görərkən təsirlənməməsi mümkün deyil. Çünki mən orada
başqa bir adama çevrilirəm. Məni mən edən də bu dəyişiklikdir. Mən
əslində utancaq biriyəm, ancaq podiumda utanmıram, məndən başqa
biri çıxır. İşimi də çox yaxşı görürəm, baxış bucaqlarını əzbər
bilirəm. Çünki işləyirəm. Güzgünün qabağında az qala bir il əl
hərəkətini məşq elədim. Əl necə durur? Yeriyərkən necə durur,
pozadaykən necə durur? Bunları bilmək bizim işimizin bir
parçasıdır.
“Ədalətsizlikdən utanıram”
- Bu gün Türkiyədə yaşamaqdan razısan?
- Yox. Hətta utanıram.
- Nələrdən utanırsan?
- İdarə şəklindən utanıram. İqtidarın insanlara qarşı hal və
davranışlarından, xitab şəklindən, bərabərsizlikdən,
ədalətsizlikdən, hər şeydən utanıram.
- Bir qadın kimi ən çox üzüldüyün nədir?
- Qadın cinayətləri, qadına qarşı edilən zorakılıq. Qadının ikinci
sinif kimi qarşılanması. Hər təbəqədən qadına güclü təzyiq var bu
ölkədə. Kişilərə baxırsan, öz kişi dostlarımız da daxildir buna.
Saçını belə darama ehtiyacı duymadan həyatlarını sürdürürlər, bir
də sevilirlər. Halbuki biz həm anaları kimi qoçaq ev qadını, həm
“Victorias Secret” manrkeni qədər seksi, həm də işimizdə professor
qədər bacarıqlı olmaq məcburiyyətindəyik. Onların tək məsuliyyəti
işə gedib-gəlməkdir.
"Düşmənlik belə ağılla olmalıdır”
- Kate Moss və dünyaşöhrətli başqa
manekenlərin şahanə şəkilləri var. Çılpaq, ancaq inanılmaz dərəcədə
estetik. Həyata keçirməyi arzuladığın, ancaq ölkənin getdikcə
mühafizəkarlaşdığı üçün əl çəkdiyin proyektlərin varmı?
- Yox. Olsaydı, “GQ” qapağına çılpaq şəkildə
çəkilməzdim.
- Ailənin reaksiyası necə oldu o qapaq şəklinə?
- “Afərin, nə yaxşı ki, eləmisən!” demədi heç kim. “Qızım,
bədənin necə də gözəldir” də demədi. Ancaq sənətimə hörmət edirlər.
Bu işi görə bilmək üçün çox çalışdığımı bilirlər. Nə
deyirlər-desinlər, istədiyim kimi edəcəyimi bildikləri üçün də bir
söz demirlər. Ancaq təbii ki, əmimi, dayımı və rəhmətlik atamı da
düşünürəm. “Gözəl şəkildir! Nə gözəl açmısan bədənini”
deyəcəklərini düşünmürəm. Ailəmdən utananlar olub, ancaq bunu mənə
heç vaxt hiss etdirməyiblər.
- Bu sənətin ən pis cəhəti
nədir?
- Hər hansı şou xəbər səviyyəsinin altına düşmək. Elə bir səviyyə
var. Səndən xəbərsiz xəbər hazırlanır, bax bu, pisdir. Özünü
qorumaq istəyirsən. Çünki haqqında çıxan bəzi xəbərlərin içində
ağıl yoxdur.
- Səninlə bağlı bu cür xəbərlər
çıxıbmı?
- Əlbəttə. 11 ildən sonra Canla (Bonomo – red.) sevgiliyəm deyə
işim xaricində xəbərlər çıxdı. Ancaq həqiqətə uymayan, içərisində
məntiq olmayan xəbərlər. Bəzən düşünürəm ki, yaxşı, düşmənlik
edirlər-etsinlər, ancaq bu, heç olmasa, ağılla olsun. Axmaqlıq
qədər məni narahat edən heç nə yoxdur.
7 manatlıq paltarla...
- Stil ikonu namizədliyinə geyindiyim paltar 7 manatlıq paltar idi. Xüsusilə elə istədim. Mənə görə gözəl paltar idi, ancaq mən geyindiyim üçün də elə idi. Yəni belə bir mesaj da var: “Paltarı onlar da geyinir, biz də. Amma biz geyindiyimiz vaxt başqa olur. Onsuz da başqa cür göstərə bildiyimiz üçün bu işi görürük. Ona görə də biz modelik, onlar yox…”
- Niyə “Fashion Week”də iştirak
etmədin?
- Bəli, iştirak etmədim. Ancaq bu, qətiyyən boykot, ya da etiraz
deyildi. Şəxs və qurumlarla da əlaqəsi yox idi. Tamamilə sistemlə
bağlı idi. Mən o sistemin içərisində yer almaq
istəmədim.
- Sistemdə tənqid etdiyin şey
nədir?
- Bu: Dünyanın hər yerindəki “Fashion Week”lərdə xarici ölkələrdən
qızlar gəlib işləyirlər. Bunda da heç bir problem yoxdur. Biz də
illərdir dəfilələri yarı xarici, yarı türk edirik. Bizim
genetikamız onsuz da bu sənətə çox uyğun deyil. Ona görə də xarici
modellərə ehtiyac duyuruq.
- Sən bu “Fashion Week”də düz 13 defiləyə çıxa bilərdin. Ancaq hamsını hədər etdin…
- Bəli, çünki sistem xətası var və mən də buna diqqət çəkmək istədim. Xarici modellər o qədər ucuz qiymətə çıxmağa başladılar ki, qiymət aşağı düşdükcə tələb olunan qiymət çox yüksəkdə qaldı. Yanlış anlaşılmasın, mənim qiymətimdə bir problem yoxdur. Ancaq mən rahat olduğum üçün pulumu alıb işimə baxacaq deyildim. Çox gözəl gənclərimiz var, xaricə getsinlər, “Dolce Gabbana”ya çıxsınlar. Mənim bədənim onların yanında heç nədir. Ancaq sistem ucbatından onlar da daha dəfilələrdə iştirak edə bilmirlər.
- Onların yerini ucuz xaricilər
tutdu?
- Bəli. Onlar da olsun, ancaq bizimkilər də olsun. “Sənə qalıb?”
deyənlər ola bilər, ancaq bəli, bir az mənə qalmış kimi hiss elədim
və etiraz elədim. Bu etirazıma çox da dəstək verildi. Bu işin
başındakı qurum toplantı keçirdi. Agentliklərindən qəbzlərinə qədər
hər şey yoxlanıldı. Bundan sonra keçmişdəki kimi, yarıxarici,
yarıtürk model istifadəsinə qərar verildi.
Cinsi baxımdan təmənna bitincə...
- Keçmiş sevgilinlə bu qədər yaxşı dost
olmaq çətin məsələdir. Umut Ekerle siz beləsiniz…
- Bəli, inanılmaz dərəcədə yaxşı dostuq. Cinsi baxımdan təmənna
olmadığı üçün, o istəkləri vaxtında bitirdiyin üçün çətin olmur.
İllərdir bərabər iş görürük. 10-a yaxın böyük markayla işlədik.
Güclərimizi birləşdiririk. Mən Umuta ehtiyac duyuram. Özümü onun
yanında çox yaxşı hiss edirəm.
- İnsan “Gəncəm, gözələm, ancaq bu sənətin bir həddi var” deyirmi?
- Deyir, ancaq mənim elə qorxum yoxdur. Çünki ticari qabiliyyətimə və tekstil işindəki təcrübəmə güvənirəm. Hazırda bir çox markaya məsləhət verirəm. Ancaq gizli qalmağını istəyirəm. Çünki mənə qıcıq olduqları üçün “Çox pis olub bu iş” deyəcək bir çox insan var. Bir də, bu iş bitsə, heç çəkinmərəm, yenə gedib bir yerdə satıcılıq edərəm...
“Havanı o saat alarlar”
Çox tənqid edən bir ailəm var. Podiumdan enim, “Nə pis yeridin” deyərlər. “Calzedonia” üçün çox zəifləmişdim, “Ay Didem, çox çirkinləşmisən” dedilər. Ya da misal üçün tayt geyinirik axı, çox dəb oldu, nənəm “Yaraşmır o tayt sənin oxlov ayaqlarına” deyir. Bacıma o qədər “burnun dəhşətdir” dedik ki, yazıq qız gedib estetik əməliyat elətdirdi. Belə bir ailədən gəlincə yekəxanalıq etmək ehtimalın yoxdur. O saat havanı alırlar…
Qüsurlarını axtaran gözlər
Podiumdasan, göz önündəsən, əslində, sən bir hədəfsən… Çox sayda göz səni araşdırır. Hamısı sənə bəyəndikləri üçün baxmır. Səndə qüsur tapmaq üçün baxırlar. “Həqiqətən, bədəni elədirmi? Dodaqları incədirmi? Botoksu varmı? Ayaqları arıqdırmı?” Mən bu enerjinin hamısını alıram. Podiumdan sonra da çox yorğun hiss edirəm özümü. Onları püskürdəcək tək şey də orda böyüməkdir… Ulduz olmaqdır. Onsuz da o şəkildə yeriyirsən. Yoxsa səni yeyərlər. Əsla utancaq davranmırsan, podiumda heç kim belə davrananı alqışlamaz. Ona görə də istəsəm də, istəməsəm də, içimdəki həmin digər qadını çıxarmaq məcburiyyətindəyəm. Yoxsa o paltarların hamısı qızıldan və gümüşdən deyil, sadəcə, parçadır. Ancaq onu sata bilməyim üçün bənzərsiz kimi göstərməliyəm. Məni izləyənlərin gözündə də bənzərsiz olmalıyam. Başqa cür mümkün deyil.
“Calzedonia”nın üst səviyyəsi “Victorias Secret”
- Sənin bir də “Calzedonia” dəfiləsi uğurun var. Bunu necə bacardın?
- Türkiyədə öz sahəndə müəyyən bir yerdəsən. Ancaq xaricdə heç kimsən. Heç kim olmaq da çətindir. Burada bir çəkilişə getdiyin vaxt yerin, saatın və edəcəyin şey məlumdur. İstədiyin saç və makyaj sitilini seçə bilirsən. Orda 800 nəfərin arasından seçilib ilk 300-ə düşürsən. Təkrar gözləyirsən, çılpaq qalacaq şəkildə insanların arasında saatlarla gözləyirsən. Seçilməmiş olsam, bir də bunu sınaqdan keçirib-keçirməyəcəyimi bilmirəm. Ancaq işini sevən hər kəs bir üst səviyyəyə çıxmaq istəyər. Beynəlxalq platforma da insanın ruhunu bəsləyən bir şeydir. O professionallığa ehtiyacım var idi. Bunun bir üst səviyyəsi “Victorias Secret”dir. Bu günə qədər “Calzedonia”dan “Victorias Secret” üçün cəmi 10 model çıxıb.
- Səni bir gün “Victorias Secret”də görə biləcəyikmi?
- Çiynimdəki döyməyə görə çətin. Ancaq yenə də bilmək olmaz, mən “Calzedonia” üçün də “Ömür boyu olmaz” demişdim. “Calzedonia”ya indiyə kimi döyməli model çıxmayıb, ancaq məni seçdilər.
- Türkiyədən heç “Victorias Secret”
mankeni çıxıbmı?
- Orada yaşasaydılar, çıxardı. Güzide Duran, Çağla Şikel, Sema
Şimşek… Gəlmiş-keçmiş bir çox əfsanə var.
Uğurlar
- Mən müəllim ailəsində böyümüşəm. Babam müəllim, xalam
müəllimə, onun həyat yoldaşı müəllim. Bir də Gazi məhəlləsində 60
evlik bir Öğretmenler Sitesində böyüdüm. Öz müəllimlərimlə eyni
binada yaşayırdıq. Anamın müəllimi də üst mərtəbədə yaşayırdı.
Həmişə nələrinsə öyrədildiyi bir dünya idi. Şikayətçi deyiləm.
Nizam-intizamlı olmağımı ona borcluyam. Bir dəfə heç unutmadığım
bir şey oldu. Babamla məktəbə getdim. Mən heç vaxt heç kimdən
danlaq eşitmədim, döyülmədim. Ancaq babam yerləri silən xalaya
“Yorulmayasan (uğurlar)” demədiyim üçün çiynimdən dürtdü. Belə bir
şeyə necə diqqət etmədim deyə məndən incidi. Günlərlə özümə gələ
bilmədim. Ondan sonra heç vaxt “Uğurlar” deməyi
unutmadım...
-
Ekopublika.az08:35
Azərbaycanda yumurta kəskin ucuzlaşdı - SƏBƏB
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO