• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Retro makiyaj dəbi - Fotolar

Retro makiyaj dəbi - Fotolar

60 və 70-ci illərdə xüsusilə Hollivud ulduzları sayəsində bir çox dəb və gözəllik cərəyanı yarandı. O illərdən bu günümüzə qədər əhəmiyyətini heç vaxt itirməyən retro tərzi öz aktuallığını qoruyub saxlaya bilib. Tabloid.az retro makiyajın edilmə qaydasını təqdim edir:

1-ci dəri rəngində makiyaj

Dərinizə çəkəcəyiniz kirşan və tonal krem açıq rəng olmalıdır. Tünd rənglərdən qaçmalısınız! Retro makiyajda əsas şərtlərdən biri də bədənin açıq rəngli və hamar olmasıdır. Ənlik isə açıq rəngli dəriyə çəkiləcəyi üçün çəhrayı və şaftalı tonlarında olmalıdır. Arzu edilərsə, yanağınıza qələm köməyi ilə xal da qoya bilərsiniz.

2-ci göz makiyajı

Retro makiyajında gözlər mümkün qədər çox vurğulanmalıdır. 60-cı illərdə böyük və iri gözlər çox dəbdə idi. Bu effekti almaq üçün gözlər qara qələmlə haşiyəyə alınır və süni kirpiklərdən istifadə olunur. Göz qapaqlarına isə tünd tonlarda göz kölgələri çəkilməlidir. Retro təsirini daha çox artırmaq üçün zərli göz kölgələrindən də istifadə etmək olar. Gözlərin daha böyük görünməsi üçün aşağı kirpik altına ağ rəngli qələm çəkin. Kirpiklərin gur görünməsi üçün bir neçə qat tuş çəkin, ya da taxma kirpik taxaraq da retro tərzinə nail ola bilərsiniz.

3-cü dodaq makiyajı

Retro makiyajda dodaq ön planda olmalıdır. Ancaq heç bir zaman göz makiyajını kölgədə qoymamalıdır. Bu səbəbdən pastel və şaftalı tonlarını rahatlıqla istifadə edə bilərsiniz. Göz makiyajı sadə olsa, tünd qırmızı tonlar seçərək dodaq makiyajını ön plana çıxara bilərsiniz. Vazelinin köməyi ilə dodaqlarınızı yumşaldın. Daha sonra pomadanı dodaqların ortasından başlayıb kənarlara doğru çəkin. Rəngi möhkəmləndirmək üçün dodaq qələmiylə dodaqlar vurğulanmalıdır.

Tabloid.az

Xəbər lenti

DAHA ÇOX XƏBƏR