Sağlam dişlər üçün 8 məsləhət

Ağız və diş sağlamlığı mövzusuna səthi yanaşmaq, zərərli vərdişlər və işlərlə məşğul olmaq çox vaxt insan dış sağlamlığına böyük zərər vurur. Hər kəs bilməlidir ki, ağız boşluğunun gigiyrenasına təmin etmək və dişləri sağlamlığını qorumaq üçün tək dişləri mütamadi olaraq fırçalamaq yetərli deyil.

Bundan əlavə qidalanmadan həkim müayinəsinə kimi hər şeyə diqqət yetirmək lazımdır.

Çox vaxt əhəmiyyət verilməyən detallar ağız və diş sağlamlığında ciddi problemlər yaradır.

Bu baxımdan şəxsi gigiyenaya və ağız sağlamlığına fikir vermək, dişləri hər gün təmizləmək məsləhətdir. Bundan əlavə aşağıda qeyd olunan məsləhətlərə əməl etmək arzu olunandır:

1. Sağlam dişlər üçün tərkibi kalsium, C vitamini ilə zəngin qidaları qəbul etmək faydalıdır. Məsələn: süd, pendir, qatıq kimi qidalarda kalsium boldur. Portağal, brokoli, ispanaq kimi tərəvəz və meyvələr isə C vitamini ilə zəngindir.

2. 6 aydan bir mütləq diş müayinəsi etdirmək və gündə azı 2 dəfə dişləri fırçalamaq lazımdır. Sağlam diş və ağız boşluğuna sahib olmaq üçün bu əsas şərtlərdən biridir.

3. Fırça seçimi də önəmlidir. Fırça orta sərtlikdə olmalı və 3 aydan bir dəyişdirilməlidir. Əgər keyfiyyətli fırçadan istifadə etməyinizə baxmayaraq 1 aydan sonra xarab olursa, demək siz ondan sərt istifadə edirsiz. Sərt şəkildə fırçalama dişlərin mina qatı üçün ziyanlıdır.

4. Dişləri fırçalamağın qaydası və zamanı çox önəmlidir. Fırça dişlərə 45 dərəcəlik bucaq altında yerləşdirilməli, yuvarlaq şəkildə çox sərt olmamaq şərti ilə sürtülməlidir.

5. Yaşın artması dişlərində qocalması mənasına gəlmir. Saralmış və çürümüş dişlər yaşlanmağın deyil, qulluq edilməməyin nəticəsidir. Dişlərə yaxşı qulluq edərək irəliləyən yaşlarda öz dişlərinizi qoruyub saxlaya və yaşıdlarınızdan bir addım önə çıxa bilərsiniz.

6. Xüsusilə ortodontik müalicədən yararlananlar dişləri ilə bağlı daha həssas olmalıdırlar. Dişlər və ağız boşluğu ilə bağlı üzləşə biləcəkləri problemlərlə bağlı həkimlə məsləhətləşsələr daha yaxşı olar.

7. Uşaqlarda ilk ortodontik müayinə 7 yaşdan sonra olmalıdır. Erkən yaşda olan müayinə dişlər daimi olmadığı üçün effektiv olmaya bilər.

8. Ağız və diş sağlamlığı uşaq yaşda olmalıdır. Əgər diş əti, dişlər,çənə sümüyündə və sairə ağızla bağlı hər hansı anormallıq müşahidə etsəniz vaxt itirmədən həkimə müraciət edin.