Çağla Şikeli canlı yayımda göz yaşlarına boğdular - Video

Müğənni Əmrə Altuğla model və aparıcı Çağla Şıkelin 7 illik ailə həyatından sonra boşanmağa qərar verdiklərini xəbər vermişdik. Hər ikisi razılıqlı anlaşma əsasında boşandıqlarını desə də, bu ayrılıq cazibədar Çağlaya pis təsir edib. Belə ki, Çağla Şikel canlı yayımda göz yaşlarına hakim ola bilməyib.

Dünən Çağlanın Alişanla birlikdə apardığı "Hər şey daxil" proqramında türk xalq musiqisinin sevilən səsi Gülər Dumanla, dörd il əvvəl bir yol qəzasında həyatını itirən xalq mahnılarının ifaçısı Buruq Əlinin uşaqları Eren və Ecemgül qonaq olublar.

Buruq Əlinin uşaqları - Eren və Ecemgül "Yaralarım" adlı mahnını ifa edərkən Şıkel göz yaşlarını saxlaya bilməyib. Alişanın "Sən bir bayıra çıx gəl" məsləhətilə Şıkel bir müddət studiyanı tərk edib. Şıkelin duyğusal anlar yaşadığı vaxt Alişan Ecemgüle atasının vəfatı haqqında suallar verib. Atası Buruq Əlinin ilk və son məhəbbəti olduğunu bildirən Ecemgül "Atam səhnəyə çıxarkən məni öpürdü və səhnədən endikdən sonra ilk məni öpürdü. Bütün turnelərə birlikdə gedərdik. Qardaşım Eren atamın arxasında çalardı, mən də səhnə arxasında olardım. Hər zaman birlikdəydik. Aramızdakı ata qız əlaqəsindən fərqli idi. Bir-birimizi görmədən dayana bilmirdik. Onun boşluğunu sözlərlə ifadə edə bilmirəm", - söyləyib.

Tabloid.az "milliyet.com.tr" saytına istinadən sözügedən videonu təqdim edir: