Gürzə - Resept
Bizi izləyin

Tabloid.az

Gürzə - Resept

Tabloid.az gürzənin reseptini təqdim edir:

Tabloid.az gürzənin reseptini təqdim edir:

İnqrediyentlər:

Qoyun əti (mal əti və ya dana əti ) – 500 q,

Baş soğan – 3 baş,

Quyruq – 100 q (xoşlayanlar üçün),

Şüyüd – 1 dəstə,

Sarımsaqlı qatıq sousu – zövqə görə.

Xəmir üçün:

Un – 500 q,

Yumurta – 1 əd.,

Su – 2-2½stəkan,

Bir çimdik duz

Hazırlanması:

Ət, soğan və quyruq ət maşınından keçirilib qiymə hazırlanır. Qiymə duzlanır, istiotlanır və yağda qızardılır.

Bərk xəmir yoğrulur, 1 mmnazikliyində yayılır və stəkanın ağzı ilə dairələr kəsilir. Hər dairənin ortasına qiymə qoyulur, iki tərəfi bir-birinin üstünə gətirilməklə ilanvari bağlanır və bir tərəfindən balaca deşik saxlanılır. Gürzələr ya ət suyuna, ya da duzlanmış qaynar suya tökülüb 5-10 dəqiqə gürzələr üzə çıxana qədər bişirilir. Hazır gürzələr kəfkirlə sudan çıxarılır və nimçəyə yığılır. Üstündən sarımsaqlı qatıq, yaxud pomidor qızartması tökülür və narın doğranmış şüyüd səpilir. Boşqaba bir-iki qaşıq gürzənin bulyonundan da tökmək olar. Gürzələri qızartmaq da olar.

Nuş olsun!

Oxumağa davam et
Reklam
Reklam

Gündəm