Qalmaqalla ayrıldığı prodüseri Günayı necə təbrik etdi?

Müğənni Günay İbrahimlinin keçmiş prodüserləri də sənətçini doğum günündə özünəməxsus şəkildə təbrik edib.

Xəbər verdiyimiz müğənni Günay İbrahimli 24 yaşını paytaxtın elit məkanlarından birində təmtəraqlı şəkildə qeyd edib. Müğənnini təbrik edənlərin ardı-arası kəsilməsə də, İbrahimlinin ilk prodüseri Təranə Səmədova ad günündə xüsusi can fəşanlıq ilə çıxış edib. Buna baxmayaraq, Günayın ötən ilin sonu ayrıldığı prodüseri Sevinc Hüseynovanı ad gün şənliyində nə görən, nə də eşidən olub.

Sevinc ad günü ziyafətinə gəlməsə də, o, müğənnini sosial şəbəkədə təbrik edərək aralarında yaranan soyuqluğun yoxa çıxdığını nümayiş etdirib.

“Ad günün mübarək. Sevdiklərinin, əzizlərinin əhatəsində neçə belə illəri qeyd edəsən. Doğum günün mübarək!”

Müğənni də öz növbəsində keçmiş prodüserinə təşəkkürünü bildirib.

Doğum günü mərasimində olan prodüser Təranə Səmədova isə aralarında olan soyuqluğun bir anlaşılmazlıq olduğunu bildirib.

“Əsas odur ki, bizi heç kəs barışdırmadı. Biz böyük və ağıllı insanlar kimi barışdıq. Bu özü böyük məsələdir. Günayı təbrik edirəm, ona sənət uğurları arzu edirəm”.