Tabloid.az

Məşhur aktyorun İrana girişi niyə qadağan edildi? - Foto

19 Fevral 2015 13:38

Məşhur aktyordan gözlənilməz açıqlama: “İrana girməyim qadağandır”

Türkiyədə məşhur aktyor Haluk Bilginerin baş rolda oynadığı “Rosewater” adlı filmin qalası keçirilib.

Film ingiltərəli jurnalist Maziar Baharinin 2009-cu ildə “BBC”-nin müxbiri olaraq getdiyi İranda əsir götürülməsi və 100 gün ərzində başına gələnlərdən bəhs edir.

Haluk Bilginer filmdə Baba Akbar obrazını canlandırıb.

Qala gecəsinə sevgilisi Zerrin Tekindorla gələn aktyor maraqlı açıqlamalar verib. O, “Rosewater” filminə çəkildiyi üçün İrana girişinin qadağan edildiyini bildirib:

“Necə ki, siz mənə Motsartın 5-ci simfoniyası izah edə bilməzsiniz, eləcə də mən sizə bu filmi izah edə bilmərəm. Ancaq bunu deyə bilərəm ki, mən bu filmə çəkilərkən İrandan bir film təklifi gəldi. Telefondakı dünyaca məşhur bir rejissor idi. Ona İrana qarşı olan bir filmdə çəkildiyimi, İrana girişimin qadağan edildiyini dedim. Telefondan sadəcə “hmm” deyə bir səs gəldi və daha sonra qarşı tərəf telefonu yerə qoydu. Ondan sonra da bir daha zəng edən olmadı”.

Tabloid.az