• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

İşgüzar xanımları heyranedici göstərən kolleksiya - Fotolar

İşgüzar xanımları heyranedici göstərən kolleksiya - Fotolar

Milan moda həftəsi çərçivəsində "MaxMara" moda evi yeni kolleksiyasını dəbsevərlərin ixtiyarına buraxıb.

Klassik və zəriflik nümunəsi hesab olunan "MaxMara" moda evi öz səssizliyini qoruyub saxlayıb. Belə ki, moda evi dəfiləyə gələn qonaqları qeyri-adi, gurultulu, səs-küylü və ekstravaqant kolleksiya ilə təəccübləndirməyib. Dəfilədə podiuma çıxan modellər əvəzolunmaz klassik geyimlərlə unudulmaz şou göstəriblər.

Karamel, açıq qəhvəyi, yaşıl və göy rəngin çalarları mühafizəkar brendin zərif stilini xarakterizə edir. Boz, ağ və qəhvəyi rəngin bütün çalarlarında olan düz paltolar hər bir xanımın qarderobunu bəzəməyə iddalıdır. Bu kolleksiya öz ciddiliyini geyimdə nümayiş etdirmək istəyən işgüzar xanımları heyranedici şəkildə gözəl göstərir. Kolleksiyada ciddilik və minimalizm özünü açıq-aydın göstərsə də, qazayağı və dama naxışlar da nəzərə çarpır.

Minimalizm üslubu paltarın fasonuna uyğun lakonik çanta istifadə etməyi tələb edir. Dizayner yeni kolleksiyasında bu qaydandan kənara çıxmayıb. İşgüzar qadın obrazını olduqca sadə və tək rəng çantalar tamamlayır. Hətta bel çantaları da çox sadə və klassik fasonda təqdim edilib.

Tabloid.az sözügedən kolleksiyanı təqdim edir:

Xəbər lenti

DAHA ÇOX XƏBƏR