Ülviyyə Rəhmanova "Nanukas Show" televiziya verilişinin qonağı olub
Bizi izləyin

Tabloid.az

Ülviyyə Rəhmanova "Nanukas Show" televiziya verilişinin qonağı olub

Azərbaycanda nəşr olunan "Nargis" jurnalının baş redaktoru Ülviyyə Rəhmanova Gürcüstanın məşhur "Nanukas Show" televiziya verilişinin qonağı olmuşdur.

Azərbaycanda nəşr olunan "Nargis" jurnalının baş redaktoru Ülviyyə Rəhmanova Gürcüstanın məşhur "Nanukas Show" televiziya verilişinin qonağı olmuşdur.

Publika.az AzərTAc-a istinadən xəbər verir ki, Ülviyyə Rəhmanova "Nargis" jurnalının hazırda Gürcüstanda təqdimatını keçirir. Verilişdə "Nargis" jurnalının yaranmasından danışan Ülviyyə Rəhmanova bildirmişdir ki, təqdimatla əlaqədar jurnalın "Welcome to Georgia" əlavəsi hazırlanmışdır. "Jurnalın sonuncu nömrəsində biz Gürcüstan, Tbilisi şəhəri, həm gürcü, həm də azərbaycanlı istedadlar haqqında yazmışıq. Bizim gürcü xalqı ilə oxşar cəhətlərimiz çoxdur. Mədəniyyətimiz, mətbəximiz, mübarizlik ruhumuz çox bənzərdir", - deyə Ülviyyə Rəhmanova qeyd etmişdir.

Nəşr haqqında danışarkən baş redaktor bildirmişdir ki, jurnal Azərbaycanın birinci xanımı tərəfindən də bəyənilir və onun birinci nömrəsində ilk fotosessiya məhz Mehriban Əliyevanın iştirakı ilə olmuşdur.

O, həmçinin təqdimat çərçivəsində moda nümayişinin keçiriləcəyini və geyimlərdə Heydər Əliyev Fondunun vitse-prezidenti Leyla Əliyevanın çəkdiyi ornamentlərdən istifadə olunduğunu demişdir.

Sonda Ülviyyə Rəhmanova verilişin aparıcısına Azərbaycan xalçası və kəlağayı hədiyyə etmişdir.

Oxumağa davam et
Reklam
Reklam

Gündəm