• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Bəşər tarixinin ən bahalı kitabları

  • Yazarlar
  • 10 May 2014 12:28
  • 616 Baxış
Bəşər tarixinin ən bahalı kitabları

1. “Lester əlyazmaları”, qiyməti: 30.8 milyon dollar

“Lester əlyazmaları” (“The Codex Leicester”) Leanardo Da Vinçinin elmə aid yazılarının toplusudur.

Kitab 1980-ci ildə varlı sənayəçi, incəsənət kolleksiyaçısı və filantrop Armand Hammer tərəfindən satın alınıb və adı “Codex Hammer” olaraq dəyişdirilib. 1994-cü ildə məşhur milyarder Bill Qeyts kitabı auksionda 30.8 milyon dollara alıb. Və beləliklə “Lester əlyazmaları” dünyanın ən bahalı kitabı adını qazanıb.

2. “Henri Layının İncili”, qiyməti: 12,7 milyon dollar

“Henri Layının İncili” (“The Gospels of Henry the Lion”) 4 İncilin mətnlərindən ibarət 266 səhifəlik əlyazmadır. Kitabın 50 səhifəsi tamamilə illustrasiyalardan ibarətdir. Bu İncil Hersoq Avqust Kitabxanasında saxlanılır və təhlükəsizlik səbəblərinə görə iki ildə bir dəfə nümayiş etdirilir. Əsər 1993-cü il, dekabrın 6-da Londonda satılıb.

3. “Kantenberi hekayələri”, qiyməti: 7,18 milyon dollar

“Kanterberi hekayələri” (“The Canterbury Tales”) Cefri Çouser tərəfindən 14-cü əsrdə yazılmış hekayələr toplusudur. Hekayələrdən bəziləri Çouserin öz şəxsi müşahidələri əsasında, bəziləri isə başqalarından eşitdiyi əhvalatlar əsasında yazılıb.

Əsər 1998-ci ildə Londonda 7,18 milyon dollara satılıb.

4. “Qutenberq İncili”, qiyməti: 5.39 milyon dollar

“Qutenberq İncili” (“The Gutenberg Bible”) Yohan Qutenberq tərəfindən çap edilən ilk kitablardan biridir, kitab 1455-ci ildə dərc edilib.1987-ci il, oktyabrın 22-də Londonda satılıb.

5. “Northumberland Bestiari”, qiyməti: 4,21 milyon dollar

“Nortumberland Bestiari” (“The Northumberland Bestiary”) öz dövrünün ən məşhur şəkilli kitabı idi.1990-cı ildə Londonda satılıb. “Nortumberland Bestiari” ən bahalı ingilis əlyazması rekorduna sahibdir.

6. Motsartın 9-cu simfoniyasının əlyazmaları, qiyməti: 3,57 milyon dollar

Volfanq Amadey Motsartın 9-cu simfoniyasının əlyazması dünyanın ən bahalı musiqi əlyazması ünvanına sahibdir və 1987-ci ildə Londonda satılıb.

7. “Amerikanın quşları”, qiyməti: 3.6 milyon dollar

“Amerikanın quşları” (“The Birds of America”) naturalist və rəssam Con Ceyms Audubon tərəfindən yazılıb. Kitab 1989-cu ildə Nyu-Yorkda satılıb və təbiətin tarixi haqqında yazılan ən bahalı kitabdır.

8. “Yəhudi İncili”, qiyməti: 2,88 milyon dollar

“Yəhudi İncili” (“Hebrew Bible”) 1989-cu ilin dekabrın 5-də Londonda satılıb. Kitabın orijinalı ibrani və aramey dillərində yazılıb və indiyə kimi ibrani dilində yazılan ən bahalı əlyazma rekorduna sahibdir.

9. “Monipenni icmalı”, qiyməti: 2,65 milyon dollar

1490-95-ci illərdə yazılan “Monipenni icmalı” (“The Monypenny Breviary”) fransız əlyazması 1989-cu ildə Londonda 2,65 milyon dollara satılıb.

10. “Elizabet de Bohumun saatları və psalteri”, qiyməti: 2,18 milyon dollar

“Elizabet de Bohumun saatları və psalteri” (“Psalter of Elizabeth de Bohum”) 1988-ci il, 21 iyunda Londonda satılıb.1340-45-ci illərə aid əsər Bernard Kvariç tərəfindən satın alınıb./musavat.com

Xəbər lenti

DAHA ÇOX XƏBƏR