Yazarlar
Bir həzin layla...
Mənə yaşam üçün səbr, dözümsən,
İşıqlı dünyaya baxan gözümsən,
Sən, sən deyilsən ki, mənim özümsən,
Mən, səni unuda bilərəmmi heç?!
Sən eşqin bağında barım, bəhərim,
Sənsiz viranədir könül şəhərim,
Yuxusuz gecəmsən, nurlu səhərim,
Mən, səni unuda bilərəmmi heç?!
Sən, məni həyata bağlayan həvəs,
Sən, məni sevgiyə çağıran bir səs,
Sən, mənim dünyada aldığım nəfəs,
Mən, səni unuda bilərəmmi heç?!
Ruhumu qoruyan saf məhəbbətin,
Gecəm də, günüm də hicrin, həsrətin,
İlk eşqi unutmaq çətindi, çətin,
Mən səni unuda bilərəmmi heç...
Sən mənim çəkdiyim ən şirin zülüm,
Sən, mənim çəmənim, çiçəyim, gülûm,
Sən, mənim içimdə dünyamsan, gülüm,
Mən, səni unuda bilərəmmi heç?!
****
Bir şirin kəlməyə, bir gülər üzə,
Bir həzin laylaya möhtacam, ana.
Bir məlhəm baxışlı mehriban gözə,
Bir doğma anaya möhtacam, ana...
Nə uşaq, nə cavan, nə yaşlı, qoca,
Həyatda nə qədər olsam da uca,
Ağrıya, acıya düçar olunca,
Səsində dəvaya möhtacam, ana...
Xoşbəxtdir o kəslərdir vardır anası,
Başqa kimsə varmı candan yanası,
Anasız həyatın yoxmuş mənası,
Mən həmin mənaya möhtacam, ana...
Başımı qoymağa dizə möhtacam,
Təsəlli verici sözə möhtacam,
"Döz bala, bir az da döz"ə möhtacam,
Mən, sənli dünyaya möhtacam ana...
Bir doğma anaya möhtacam, ana...
Xəyyam Məmmədov, Kamança ustası
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü