Yazarlar
Şəklini mənə göndər-I
Dünyanın bu yeni dövründə ayrı-ayrı adamların virtual tanışlıqdan başlayan dostluğu sosial şəbəkələrdə geniş yayılıb. İnternet istifadəçiləri virtual məkanda bir-birilə fikir bölüşmək imkanı qazanmaqda davam edirlər. Xeyli vaxtdı planetin ən məşhur elektron şəbəkələrindən sayılan Facebook-da status və rəylərimlə çıxış edirəm. Dostluğumda 4 minə yaxın istifadəçi var. Bu məkanda hər bir istifadəçiyə həm də gizli məktublaşma imkanı verilib. Qapalı məktublaşma zamanı səmimi, saxta, düşüncəsini bəyəndiyim və bəyənmədiyim adamlarla uzun müddətdir ki, təmasdayam.
Prosesdə mübahisə etdiyim, söyüşdüyüm, sevişdiyim, real həyatda
görüşüb dostlaşdığım insanlar çoxdu. Bu gizli aləm insanlara tam
səmimi olmağa, öz düşüncəsini, dərdini, ehtirasını qarşıdakı ilə
bölüşməyə imkan yaradır. Oxuyacağınız roman 20 yaşlı bir xanımın 52
yaşlı bir yazarla gizlin söhbətləşməsidi. İctimai marağa səbəb
olacağını nəzərə alaraq üzünü görmədiyim Dəniz xanımın icazəsi ilə
mətni roman janrında işığa çıxarmağı qərara aldım.
1-ci hissə
Oktyabr 23, 2011
Deniz
salam, Murad bəy,
necəsiz?
Oktyabr 24, 2011
Murad Kohneqala
salam, ey gözəllərin sultanı...)))
Oktyabr 24, 2011
Deniz
yaxşı yazar oldugunuzu bilirdim,
ama vəsf edən bir şair oldugunuzu bilmirdim )))
Oktyabr 24, 2011
Murad Kohneqala
gözəlləri vəsf eləməyi çox sevirəm... )))
bu şərtlə ki, doğurdan gözəl olsun...
Oktyabr 24, 2011
Deniz
əlbəttə, şairlər yalniz
zahirən qiymətləndirməyə meylli olurlar…
Oktyabr 24, 2011
Murad Kohneqala
Dəniz adlı xanım mütləq gözəl olmalıdı... )))
Oktyabr 24, 2011
Deniz
bəli,
ancaq unutmaq lazım deyil ki,
şairlər həm də xəyalpərəst olurlar… ))
Oktyabr 25, 2011
Murad Kohneqala
heç vaxt xəyalımda qurduğumla
real həyat üst-üstə düşməyib...
Oktyabr 25, 2011
Deniz
bilirsiz, mən artiq sizin həqiqətən Köhnəqala oldugunuza şubhə
edirəm.
Oktyabr 25, 2011
Murad Kohneqala
)))) görürsüz, xəyalınızdakı Köhnəqala ilə əsl Köhnəqala da eyni
deyil... )))
Oktyabr 25, 2011
Deniz
şarin oxucusu da özü kimi xəyalpərəst olmadısa daha nə oldu? ))
Oktyabr 25, 2011
Murad Kohneqala
xəyalpərəst, yəni romantikmi deyirsiniz?
ümumiyyətlə, mən romantik adamları çox sevirəm...
Oktyabr 25, 2011
Deniz
ama, deməzdim ki, xəyalpərəst olmaq
sevindirici haldi,
hətta mən əksini düşünürəm…
Oktyabr 25, 2011
Murad Kohneqala
təsəvvür eləyin, siz hamı kimi
bir insansınız,
üstəlik də romantiksiniz,
demək, başqalarından bir romantika varlısınız...
Oktyabr 25, 2011
Deniz
bu varlılıq bəzən insani elə yoxsullaşdırır ki...
Oktyabr 25, 2011
Murad Kohneqala
maddi cəhətdən əksəriyyəti yoxsul olur, bəli...
bir dəfə statuslarımın birində belə yazmışdım:
kasıblığın daşını atmaq istəyirsənsə,
əvvəlcə romantikanın daşını at… )))
Oktyabr 25, 2011
Deniz
daha betəri mənəvi yoxsulluq deyilmi?
hə, görmüşdüm o statusunuzu… )))
Noyabr 6, 2011
Murad Kohneqala
onu blok elədim, ilk rəyindən xoşuma gəlməmişdi, gəldim gördüm daha
da axmaqlayıb. Şəklinə baxdım, gördüm, əlində də yekə bir
hakimiyyət qəzeti tutub )))
Noyabr 6, 2011
Deniz
kimi deyirsiz, anlamadım…
Noyabr 6, 2011
Murad Kohneqala
T. adlı istifadəçini, mənim statusumda sizinlə yazışırdı. üzümü də
görməyən bir sarsaq mənə "Murad, sən" deyə müraciət eləyir. belə
adamlar məni çox əsəbləşdirir. adam "sən"ə müəyyən münasibətdən
sonra keçər. həmişə özümdən kiçik dostlardan mənə "sən" deyə
müraciət etmələrini xahiş eləmişəm, ancaq adam tanımadığına belə
mərifətsizlik göstərməz. sizin də onunla bağlı komentinizi sildim
ki, havadan asılı qalmasın...
Noyabr 6, 2011
Deniz
buna gorə sizə ancaq minnətdar ola bilərəm. bəli, haqlısız və
düşünürəm, düz elədiniz.
Noyabr 6, 2011
Murad Kohneqala
mən dostluq göndərən istənilən adamı qəbul eləyirəm, çünki əvvəlcə
kim kimdi, tanınmır. lakin sonradan təfəkkürü xoşuma gəlməyənləri
başımdan rədd eləyirəm...
Noyabr 6, 2011
Deniz
bəli, dogru məntiqdi.
Ardı var...
Publika.Az
-
Yaxın Şərq09:12
İsrail İranı vurdu: görün neft bahalaşaraq neçəyə oldu
-
Hadisə08:07
Qızı ilə Kürdə batan atanın meyiti TAPILDI
-
Magazin106:16
Əməkdar artist: “Oğlumun vəfatından sonra yatmıram”
-
Kriminal03:30
Sumqayıtda AİLƏ FACİƏSİ: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”
-
MDB00:30
Azərbaycanlı milyarder Rusiyanın ən zəngin adamı oldu