Yazarlar
Leyla Əliyeva: Qalıb gözüm yollarda
Yazıçı-publisist, tərcüməçi Mahir Qabiloğlu Azərbaycan
prezidentinin qızı, Heydər Əliyev Fondunun vitse-prezidenti Leyla
Əliyevanın növbəti şeirinin tərcüməsini Modern.az
saytına təqdim edib. “Yeni il” adlı şeiri
oxucuların ixtiyarına veririk.
Bayram görüşümüzü
Yaman gözləyirəm mən -
Həyəcanla, təlaşla.
Bu ana hazırlaşıb
Gizlətmişəm ürəyi
balışımın altında.
Qəm-kədəri, qüssəni
Qovmuşam uzaqlara...
Yeni il yolkasında
yandırdığım şamların
itirmişəm sayını...
Buxarı da çırtaçırt
Yanır gur alovuyla...
Mənsə çox gözləyirəm
bayram görüşümüzü,
Qalıb gözüm yollarda.
Mən Yolkanın altına
hədiyyələr düzmüşəm,
Gecə yarı olmamış,
açasan hamısını...
İstərəm hamı üçün
sən bir Günəş olasan.
Bu şəfəqdən mənə də
Kiçik pay ayırasan.
Sənə rəngli qablarda
hədiyyə düzəldəcəm;
Qapağını açanda
Sanma ki, içi boşdur.
Qutuların hamısı
mənə əziz – ən yaxın
saydığım insanların
arzularıyla daşır...
Sən Yeni il gecəsi
onları aç, sevindir..!
Qoy nə arzu ediblər
həyata keçsin bir-bir.
Sonra isə xəlvətdə,
mənim də arzumu sor,
Bil ki, nədir istəyim,
nədir arzu-diləyim?
İstəyirəm hər kəsin
ulduzu lap gur yansın.
Mən səndən diləyəndə
zaman da diləklərə
ram olsun, həyan olsun.
Səni tələsdirərək
əqrəbləri qovmasın...
Mən çox istəyirəm ki,
ruhu təlaşlandıran
dalğalar quzu olsun.
Mənə bir hədiyyə ver,
lap xırda, həm də sadə. –
Qoy lap təbəssüm etsin
mənə doğma adamlar,
bu xırda istəklərə...
İstədiyim odur ki,
gecə həmdəmim olan
mələk məni əfv etsin.
Ən böyük istəyimsə... –
Gur səslə deyim, eşit:
İstəyirəm əbədi
bəxtəvər olasan sən! –
Bu dünyada yaşayan
bütün insanlar üçün..!
Səninlə bu görüşü
yaman gözləyirəm, bil
Tez gəl, bizi sevindir
Yeni il, ay Yeni il!
Rus dilindən çevirəni: Mahir Qabiloğlu
-
Magazin100:45
Könül Kərimova estetik əməliyyat etdirdi - FOTO
-
Qoroskop00:15
Günün ULDUZ FALI: qarşıdurmalar ola bilər
-
Sosial25 Aprel 23:48
Bakıda ayıq sürücü müştərinin "Land Rover”indən oğurluq etdi
-
Səhiyyə25 Aprel 23:12
Onkoloqdan XƏBƏRDARLIQ: bu xəstəliklər xərçəngə çevrilə bilər
-
Magazin125 Aprel 22:48
Müşfiq Musanın məşhur mahnısını oxudu - VİDEO
-
Magazin125 Aprel 22:00
Firuzə İbadova həmin xəbəri TƏKZİB ETDİ: "Onun ruhu şad olsun deyə..."
-
Sosial25 Aprel 21:24
Bakıda qızı açıq-saçıq geyiminə görə mağazadan qovdular - VİDEO
-
İnanc25 Aprel 20:24
Ağdam Cümə məscidində ilk Azan - VİDEO