Nida.az
Erməni lobbisi öz işində: Vaşinqton-Bakı yaxınlığı kimləri narahat edir? – ŞƏRH
ABŞ Dövlət Departamenti Azərbaycanla bağlı yenə də ikili
standart mövqe nümayiş etdirib. Azərbaycan XİN-in sözçüsü Hikmət
Hacıyev bildirib ki, ABŞ Dövlət Departamenti regionda baş verən bir
sıra narahatlıq doğuran halları, o cümlədən dinc nümayişçilərin
qəddarcasına döyülməsi və həbsləri kimi kobud insan hüquqları
pozuntularını görməzliyə vuraraq, konkret cinayət tərkibi daşıyan
hər bir halı siyasiləşdirməklə, Azərbaycanın daxili işlərinə
qarışmaq məqsədi güdən “dərin narahatlığı” ikili standartların
növbəti bariz nümunəsidir.
Qeyd edək ki, Dövlət Departamenti Qənimət Zahid və Emin Millinin
qohumlarının təqib edildiyini iddia edib.
İlk Avropa Oyunlarından sonra Bakı və Vaşinqton arasındakı buzların
əriməsi fonunda bu diqqət çəkir. Belə ki, iki həftə öncə Dövlət
Departamentinin enerji məsələləri üzrə xüsusi nümayəndəsi Amos
Hokstayn Bakıya səfər etdi və Azərbaycan-ABŞ münasibətlərinin ən
yüksək səviyyədə olduğu diqqətə çatdırıldı. Onun ardınca Avropa
İttifaqı Şurasının prezidenti Donald Tusk da Bakının qonağı oldu.
Hər iki səfərdə Azərbaycanın regionda və dünyadakı əhəmiyyəti
xüsusi vurğu ilə qeyd olundu. Qısa zamanda fərqli yanaşma ortaya
qoyan Dövlət Departamentinin mövqeyi suallar yaradır.
Publika.az xəbər verir ki, Milli Məclisin deputatı
Asim Mollazadə bunu ABŞ-dakı erməni lobbisi ilə əlaqələndirib: “Bu,
erməni lobbisinin anti-Azərbaycan kampaniyasından irəli gəlir.
Diqqət edin, İrəvanın mərkəzində etiraz aksiyası keçirənlər
döyülür, jurnalistlər həbs olunur, amma ABŞ-da praktiki olaraq heç
bir reaksiya verilmir. Öz torpaqlarına səfər edən azərbaycanlılar
Ermənistan tərəfindən girov saxlanılır. Buna da heç nə deyilmir.
Amma Azərbaycanda milçəyin uçması kifayət edir ki, Vaşinqtondan
qınaq gəlsin. Bu cür yanaşma demokratiya və insan hüquqları
anlayışını etibardan salır”.
Millət vəkili qeyd edib ki, Azərbaycanla ABŞ arasında ikitərəfli
əməkdaşlıq yüksək səviyyədədir: “Təhlükəsizlik, beynəlxalq
terrorizmlə mübarizə, həmçinin energetika sahəsində əməkdaşlıqlar
davam edir. Amma erməni lobbisi ABŞ-ın siyasətinə neqativ təsir
etməklə bu dövlətin milli maraqlarına qarşı çıxır”.
Milli Məclisi üzvü, politoloq Rasim Musabəyov isə ABŞ-ın bu cür
ittihamları istənilən ölkəyə qarşı yönəltdiyinə diqqət çəkib. Onun
sözlərinə görə, Birləşmiş Ştatlar başqa dövlətin daxili işlərinə
qarışmağı özünün hüququ hesab edir: “Hesab etmirəm ki, Dövlət
Departamentinin bu fikirləri ikitərəfli münasibətlərə xələl
gətirəcək. Lakin bu, yaxşı hal deyil. Azərbaycan bu gün müstəqil
dövlətdir. ABŞ-dan nə maliyyə, nə də hansısa kömək almır. Həmçinin,
bizim Amerikadan hərbi sahədə asılılığımız yoxdur. Sadəcə olaraq,
biz Vaşinqtonda tez-tez fərqli fikirlər səsləndirildiyini
unutmamalıyıq. ABŞ-da bəzi şəxslər, yaxud tənqidçilər hansısa
ölkəni ittiham edirlər. Amma bu nə Amerikanın həmin dövlətlə
münasibətlərinə mane olur, nə də Pentaqon, yaxud MKİ-nin
əməkdaşlığına”.
Asif Nərimanlı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT