Dünya

Jirinovski: "Dünyanın yarısına diz çökdürmək lazımdır"

3 Avqust 2015 02:14

Rusiya Dövlət Dumasının deputatı Vladimir Jirinovski ölkəni Rusiya imperiyası adlandırmaq və dünyanın yarısını “dizi üstə çökdürmək” təklifi edib.

Bu barədə o “Rus xəbərlər xidməti” radiosuna Rusiyaya qarşı sanksiyaların sərtləşməsini şərh edərkən bildirib.

“Bütün iqtisadi əlaqələri dayandırmaq. Sanksiyaları dəstəkləyən ölkələr ilə bütün iqtisadi, ticarət, turizm əlaqələrini kəsmək, dünyanın yarısını “dizi üstə çökdürmək” lazımdır. Biz ən güclü hərbi bazaya malik olan ölkəyik, bizdən hamı qorxur. ABŞ-dan başqa digər ölkələr müharibə etməyi bacarmır. Fransızlara və almanlara elə dərs keçmişik ki, onlar bizimlə heç vaxt müharibə etməzlər”.

Rusiyalı deputatın sözlərinə görə, Qərblə gərgin münasibətlər şəraitində sərt tədbirlər görmək lazımdır, güclü repressiya apparatı yaratmaq, DTK (Dövlət təhlükəsizlik komitəsi) və sonda Rusiyanın adını dəyişmək lazımdır./oxu.az