Dünya
Putin və Ərdoğanın görüşü təxirə salındı: “Türk axını” dəfn olunur
Rusiya və Türkiyə prezidentləri “Türk axını” üzrə danışıqları payızın sonuna kimi təxirə salıblar.
Publika.az xəbər verir ki, bu barədə “Kommersant” nəşrinin Kremldəki mənbələri bildirib.
Mənbələr bildirib ki, “Türk axını”nın birinci xətti üçün Ankara və Moskva arasındakı danışıqlarda irəliləmə yalnız payızın sonunda mümkün ola bilər. Həmin vaxta kimi isə Türkiyənin yeni hökuməti qurulmalıdır. Prezidentlər Vladimir Putin və Rəcəb Tayyıb Ərdoğanın görüşü də məhz Türkiyədə hökumətin qurulmasından sonrakı dövrə planlaşdırılıb. Baxmayaraq ki, ötən həftənin cümə günü Kremlin mətbuat katibi Dmitri Peskov Putin və Ərdoğanın sentyabr ayında görüşəcəyini bildirib. Ondan bir gün əvvəl isə Rusiya və Türkiyə arasında “Türk axını” boru kəməri ilə bağlı razılığa gəlinmədiyi haqda xəbərlər yayılıb. Liderlərin görüşündə “Türk axını” layihəsi məsələsinin müzakirə ediləcəyi gözlənilsə də, “Kommersant”ın mənbələri Rusiya qazının Avropaya mümkün tranzitinin hazırda danışıqların predmeti olmadığını deyiblər.
Son zamanlar "Türk axını”nın gələcəyi daha da dumanlı görünür. Keçən həftə türk mənbələrinə istinadən “Reuters” agentliyi bildirib ki, "Türk axını" üzrə danışıqlar başa çatdırılıb. Amma Türkiyənin Rusiyadakı səfiri Ümid Yardım və Rusiyanın energetika naziri Aleksandr Novak bu informasiyanı təkzib ediblər.
Rusiya hökuməti və “Qazprom”dakı mənbələrinin sözlərinə görə, danışıqlar iyunun ortalarından de-fakto dayandırılıb. Bunun səbəbinin boru kəmərindəki xətlərin sayı və qazın qiyməti ilə bağlı mübahisələrin olmadığı deyilir. Bildirilir ki, məhz Türkiyədə hökumətin qurulmaması danışıqlar üçün əsas maneədir.
Ömər Dağlı
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?
-
Magazin123 Aprel 23:36
Tünzalə imicini dəyişdi - FOTO
-
MDB23 Aprel 23:12
Şoyqunun müavini SAXLANILDI - Külli miqdarda rüşvət alıb
-
İdman23 Aprel 22:48
Son çempion boşanır: uşaqlıqdan başlayan nağıl bitir
-
Dünya23 Aprel 21:36
Məşhur bloqer helikopterdən bir çanta pulu çimərliyə SƏPƏLƏDİ - VİDEO