İdman
Əhalinin ixtiyarına verilən idman kompleksindən FOTOREPORTAJ
Respublikanın ən iri idman komplekslərindən biri olan “Su İdmanı sarayı”nın media nümayəndələri üçün təqdimatı keçirilib.
Publika.az-ın məlumatına görə, artıq əhalinin xidmətinə verilən idman kompleksinin qapıları həm uşaq, həm də böyüklər üçün açıqdır. Kompleksdə müxtəlif növ idman məşqləri ilə məşğul olmaq mümkündür. Belə ki, ümumi sahəsi 2500 kv metr olan fitnes mərkəzi müxtəlif idman növləri üçün nəzərdə tutulub. Ümumilikdə 8 zalı olan fitnes mərkəzində əlavə olaraq rəqs, yoqa, pilates, zumba, sayklinq qrupları və s. məşqlər üçün 1500 kv metr sahə ayrılıb.
“Su İdmanı sarayı”nda həm peşəkar, həm də həvəskar üzgüçülər üçün nəzərdə tutulmuş və Respublikada analoqu olmayan hovuzlar ən son texnologiya və standartlara uyğun olaraq tikilib. Hovuzun suyu daimi olaraq dövriyyə prosesi zamanı xüsusi avadanlıqlarla təmizlənir, dərinlik isə müasir texnologiya ilə tənzimlənir.
Yarışlar üçün nəzərdə tutulan Olimpiya hovuzunun uzunluğu 50, eni 25, dərinliyi isə 3 m-dir. Suya tullanma hovuzunun uzunluğu isə 25, eni 20, dərinliyi isə 6 m-dir.
Üzgüçülüyü öyrənmək istəyən həvəskarlar eni 50, uzunluğu isə 25 m olan, 20 sıradan ibarət hovuzdan istifadə edə bilərlər. Qeyd edək ki, həftənin müəyyən günləri yalnız qadınlar üçün xüsusi saatlar təyin edilib.
Gələcəyimizin idmançıları olacaq balacalarımızı da unutmadıq. Belə ki, kompleksdə peşəkar məşqçilərimizin başçılığı ilə 4-16 yaşlı uşaqlar üçün qrup məşqləri keçirilir.
Mərkəzdə həmçinin gözəllik salonu, SPA, terapiya və masaj kabinələri mövcuddur. Dincəlmək üçün bizi seçən müştərilər sauna, buxar otağı, müxtəlif effektli duş kabinələri və cakuzidən istifadə edərək xidmətlərimizdən tam razı qalacaqlar.
Valideynlər körpələrini xüsusi uşaq guşəsinə etibar edərək mərkəzimizin xidmətlərindən rahat və tələsmədən istifadə edə bilərlər. Uşaqlar burada tərbiyəçi və animatorlarımızla maraqlı və şən vaxt keçirməklə yanaşı müxtəlif məntiq oyunlarında da iştirak edirlər.
“Su İdmanı sarayı”nın restoranında idman və klassik yemək menyuları da təqdim edilir. Restoranın əsas xüsusiyyəti odur ki, burada şəxsi rasiona uyğun yeməklər seçmək mümkündür. Belə ki, təqdim olunan yeməklərin inqredientləri və kalori miqdarı menyuda qeyd olunub.
Qeyd edək ki, həftənin bütün günləri səhər saat 07:00-dan axşam saat 23:00-dək çalışan kompleksin ərafında 500 avtomobilin dayanacağı üçün parkinq mövcuddur.
FOTOLAR: Elçin MURAD
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü