Digər
Gürcüstan Azərbaycanı Rusiyaya dəyişir? – Gizli görüş və dəyişən kartlar
Gürcüstan əsas qaz təminatçısı olan Azərbaycanı Rusiyaya dəyişir.
Publika.az xəbər verir ki, bu ölkənin energetika
naziri Kaxe Kaladze Gürcüstanın əsas qaz təchizatçısının Azərbaycan
olduğunu, lakin Tiflisin Rusiyadan daha çox qaz almaq niyyətini
açıqlayıb. Onun sözlərinə görə, Rusiya qazının Gürcüstan bazarına
çıxarılması Azərbaycan qazı ilə rəqabət yaradacaq və bunun müsbət
nəticələri olacaq.
Qeyd edək ki, hazırda Gürcüstanın qaz təchizatını SOCAR təmin edir. Məlumatlara görə, 2014-cü ildə qaz çatdırmaları 0,3 və 2,1 milyard kubmetr arası dəyişib. Bununla yanaşı, SOCAR Gürcüstandakı neft satışının 72 faizinə, dizel satışının isə 61 faizinə nəzarət edir, həmçinin Kulevi neft terminalı da onun ixtiyarındadır. ARDNŞ Gürcüstana hər ay 20.000 ton neft məhsulu, həmçinin 15.000 ton benzin idxal edir. Şirkətin indiyə kimi Gürcüstan iqtisadiyyatına yatırdığı investisiyanın həcmi 700 milyon ABŞ dollarıdır.
Bütün bunlarla yanaşı, Azərbaycan Gürcüstanın ən çətin günlərində
ona yardım edib. Xüsusilə 2008-ci il müharibəsindən sonrakı dövrdə
bu ölkənin ayaq üstə qalmasında əsas rol məhz Bakının üzərinə
düşmüşdü. İndi Tiflisin bu addımı diqqət çəkir.
Enerji naziri Kaladze fikrini əsaslandırmaq üçün bildirib ki, Gürcüstan 2008-ci il müharibəsi dönəmində də Rusiyadan qaz alırdı, bundan sonra da alacaq.
Rusiya nəşri “Kommersant” yazır ki, Gürcüstan kiçik bazardır,
lakin “Qazprom”un imici üçün bu ölkənin bazarını ələ keçirmək
müsbət ola bilər.
Qeyd edək ki, ötən ayın sonlarında K.Kaladzenin Brüsseldə “Qazprom”
rəhbəri Aleksey Millerlə görüşü də enerji bazarı uğrunda mübarizədə
yeni gedişlərin olduğuna dair ehtimalları artırır.
Asif Nərimanlı
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO
-
İqtisadi gündəm14:17
Azərbaycan əhalisi ərzağa bu qədər pul xərcləyir: Maaşdan yerdə nə qalır?
-
Səhiyyə13:51
Teymur Musayev əmr imzaladı - Bu uşaqlara...
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ