Böhran inkişaf etmiş ölkələri vurur

Beynəlxalq Valyuta Fondunun (IMF) rəhbəri Kristine Lagarde Perunun paytaxtı Limada təşkil edilən BVF-Dünya Bankının iİllik toplantısında "Qlobal Siyasət Proqramı"nı ictimaiyyətlə paylaşıb.

Publika.az xəbər verir ki, Lagarde dünya iqtisadiyyatının FED-in gözlənilən faiz artımı, yavaşlayan Çin iqtisadiyyatı və aşağı əmtəə qiymətləriylə çətin dövr keçirdiyini deyib. Bu müddətdə ortaya çıxan problemlərin ən çox inkişaf etməkdə olan ölkələrə təsir edəcəyi qeyd olunub.

Lagarde eyni zamanda inkişaf etmiş ölkələrin uzun müddət davam etdirdikləri pul siyasətlərinin maliyyə kövrəkliyi yaratdığını, bu dövlətlər üçün əsl çətinliyin maliyyə sabitliyini qorumaq və real sərmayələri artırmaq olduğunu bildirib: “Bütün dövlətlər qlobal iqtisadiyyatın dəyişən şərtlərinə uyğunlaşmasını təmin etmək məcburiyyətindədirlər”.

İqtisadiyyat şöbəsi