Qırmızı.az

50 qəpik, yoxsa 50 manat? - FOTO

25 Noyabr 2015 17:30

Sosial şəbəkələrdə hazırda dövriyyədə olan 50 qəpiyə bənzəyən 50 manatlıq dəmir pulun fotosu paylaşılıb.

Publika.az xəbər verir ki, fotonun müəllifi Rauf Əmirov adlı şəxsdir.

O iddia edib ki, qəpik formasında olan 50 manatlıq cəmi 200 nüsxə buraxılıb. Bundan sonra onun dövriyyəyə buraxılması dayandırılıb.

Qeyd edək ki, fotonun paylaşılması sosial şəbəkə istifadəçilərinin bir qisminin çaşqınlığına, bir qisminin isə marağına səbəb olub və geniş müzakirələrə yol açıb. Bəziləri fotoya rəy olaraq yazıblar ki, qəpik formasında hazırlanmış 50 manat qarşılarına çıxarsa, onu 50 qəpiklə dəyişik salarlar.

Bəzi istifadəçilər hətta 100 manatın da qızıldan hazırlanmış qəpik formasında dövriyyəyə buraxıldığını iddia ediblər.

Maraqlıdır ki, pulun üzərinə onun istehsal olunması tarixi olaraq 2004-cü il yazılıb.

Anar