Əlləriniz tez-tez üşüyürsə… - DİQQƏT!

Əlləriniz normal havada da üşüyür? Mütəxəssislər əl üşüməsinin müxtəlif səbəbləri ola biləcəyini söyləyir.

Publika.az həmin səbəbləri təqdim edir:

B12 vitamini çatışmazlığı

B12 vitamini orqanizmdə normadan az olduqda qan çatışmazlığı yaranır. Bu da əllərin üşüməsinə, əl və ayaqların buz kimi soyuq olmasına gətirib çıxarır.

Yumurta, süd və süd məhsulları, qırmızı ət B12 vitamini ilə zəngindir.

Təzyiqin aşağı düşməsi

Təzyiq aşağı olduqda qan damarları qanı orqanlara çatdıra bilmir. Qanın böyük bir hissəsi daxili orqanlar arasında paylaşdırılır. Bu da əl və ayaqların üşüməsi ilə nəticələnir.

Stress

Stress orqanizmə zərər vurur. Əgər yuxarıdakı iki səbəbdən şübhələnmirsinizsə, əllərinizin tez-tez üşüməsinin səbəbi stress ola bilər.

Dərmanlar

Bəzi dərmanlar qan damarlarını daraldır. Xərçəng dərmanları, miqrenə qarşı olan dərmanlar belə, əks göstəricilərə malikdirlər. Əllərinizin daim soyuq olmasının səbəbini dərmanlarda görürsünüzsə, həkimə müraciət edin.

Siqaret

Siqaret də qan damarlarını daraldır. Bu vəziyyət siqaret aludəçilərində qalıcı hal alır.

Qan dövranı ilə bağlı problemlər

Qan dövranı müxtəlif səbəblərdən yavaşlaya bilər. Bu zaman əl və ayaqlarda üşümə, ümumi halsızlıqla müşahidə edilir.

Ləman Sultan