Dünya

Rusiyadan gözdağı – 14 saat su belə vermədilər - VİDEO

26 Noyabr 2015 23:06

Rusiyaya sərgiyə gedən türkiyəli iş adamları burada əsirlərə belə göstərilməyən münasibətlə qarşılaşıblar.

Publika.az Türkiyə mediasına istinadən xəbər verir ki, Rusiyanın Krasnodar şəhərində keçirilən sərgidə iştirak etmək üçün turist vizası ilə bu ölkəyə gələn 60 nəfərlik qrup bağlı bir otaqda saxlanılıb.

Bir gün burada saxlanıldıqdan sonra məhkəməyə çıxarılan türk iş adamları son məlumata görə, Soçidəki bir miqrant düşərgəsinə göndəriləcək. İş adamları oradan isə 10 gün sonra Türkiyəyə göndəriləcək.

CNN Türk-ə danışan iş adamları qapısı bağlı otaqda yemək və su verilmədən 14 saat saxlanıldığını deyiblər.

Qeyd edək ki, Rusiyanın Ankaradakı səfiri Andrey Karlov Türkiyə Xarici İşlər Nazirliyinə çağırılıb. Rus səfirə türk iş adamlarının Rusiyada saxlanılması və Türkiyənin Moskvadakı səfirliyinə edilən hücumla əlaqədar etiraz çatdırılıb.

Ömər Dağlı