Qırmızı.az
“Qafqaz TV” fəaliyyətə başladı
Qafqaz Universitetində tələbələr tərəfindən qurulmuş
qəzet və radio media şəbəkəsinə televiziya da qoşulub.
Universitetdən Publika.az-a verilən məlumata görə,
“Qafqaz Televiziyası” adlanan telekanal Qafqaz Universitetinin
nəzdində fəaliyyət göstərən və universitetin tələbələri tərəfindən
idarə olunan onlayn televiziyadır.
2015-ci ilin oktyabr ayında fəaliyyətə başlayan “Qafqaz Televiziyası”nda “İnternews Azerbaijan” ın təlimlərinə uyğun keçirilmiş “TV jurnalistikası” silsilə seminarlarında iştirak edən və müvəffəq olaraq sertifikat alan tələbələr tərəfindən xəbərlərlə yanaşı, müxtəlif mövzuda verilişlər də hazırlanır.
TV-nin baş direktoru Nəcəf Ələsgərov, baş direktorun müavini
Könül Cəfərli, texniki direktor Fuad Şərbətov, icraçı direktor
Rüfət Quliyevdir.
Tələbə televiziyasının texniki direktoru Fuad Şərbətov TV-nin
fəaliyyəti haqda məlumat verib: “Hal-hazırda mövcud bir otağımız
var və həmin otaqda həm televiziya, həm də radio otağı olaraq
fəaliyyət göstəririk. Maddi və texniki baza baxımından müəyyən
çətinliklərimiz təbii ki, var. Çünki bütün bunlar universitet
tərəfindən qarşılanır. Ehtiyac olan avadanlıqlarımız əsasən texniki
avadanlıqlardır ki, bunlara da kamera, işıq, müəyyən səs sistemləri
aiddir. Və eləcə də əsas çətinliklərimiz çəkiliş şəraiti baxımından
olur. Əsasən müəllimlərimizin iş otaqları və universitetimizin
müəyyən tədbirlər üçün nəzərdə tutduğu otaqlar olduğu üçün
dekorasiya baxımından çətinliklərimiz olur. Universitet
rəhbərliyinin tv-yə daim diqqət və qayğısını hiss edirik.
Tələbələrimiz də həvəslə bu işi görməyə çalışırlar və bunun
öhdəsindən də məharətlə gəlirlər. TV-yayımımız hələ ki, canlı
olaraq yayımlanmır. Biz çəkilişlərimizi tək-tək video halında
saytımızda yayımlayırıq. Hər proqramı ayda 2-dəfə yayımlamağa
çalışırıq. Televiziyamızda eyni zamanda həftəlik xəbər buraxılışı
və həftəlik iqtisadi xəbərlər buraxılışı proqramları da
yayımlanmaqdadır. Təbii ki, tələbələrin dərs saatlarına və
qonaqlarımızın vaxtlarına uyğun olaraq çəkilişlərimizi
planlaşdırırıq. Hədəfimiz yaxın günlərdə proqramlarımızı saytımızda
canlı olaraq yayımlamaqdır və bu yöndə müəyyən çalışmalarımız davam
edir. Yeni fəaliyyətə başlamağımıza baxmayaraq, öz sahəsində məşhur
insanlar verilişlərimizin qonağı olub. Qonağımız olan məşhurların
arasında elm adamları ilə yanaşı incəsənət adamları da var. Xalq
artisti Flora Kərimova , gənc müğənni Günay İbrahimli və Adbul
Xalid verilişlərimizdə iştirak edib. Onların iştirakı tələbələri
daha da həvəsləndirir ”.
Televiziyada hazırda 6 veriliş istehsal olunur. “Sizdə nə var nə
yox?” proqramı Qafqaz Universitetində təhsil alan xarici
tələbələrdən bəhs edir. Bu proqrama qonaq qismində qatılan xarici
tələbələr, öz ölkələri, mədəniyyətləri, adət-ənənələri, milli
mətbəxləri haqqında məlumat verirlər.
“Qafqazdan dünyaya” proqramı universitetin müəllim və tələbə
heyətindən bəhs edir. Proqramın hər buraxılışında Qafqaz
Universitetində təhsil alan tələbələr və onların müəllimləri qonaq
qismində iştirak edirlər.
“Təhsildə “Qafqaz”” proqramı Qafqaz Universitetində fəaliyyət
göstərən fakültə və bölümlərdən bəhs edir. Bu proqrama qonaq
qismində qatılan universitetin müəllimləri, öz ixtisasları və
bölümləri haqqında məlumat verirlər.
“Müəllimləri imtahan edirik” proqramı Qafqaz Universitetində
fəaliyyət göstərən professor-müəllim heyətinin həyat və
fəaliyyətindən bəhs edir. Bu proqrama qonaq qismində qatılan
universitetin müəllimləri, universitetin tələbələri tərəfindən
onlara ünvanlanan sualları cavablandırırlar.
“Onu sən də tanı” telelayihəsi Qafqaz Universitetində təhsil alan
istedadlı tələbələrdən bəhs edir. Bu proqrama qonaq qismində
qatılan universitetin istedadlı tələbələri, öz bacarıq və
qabiliyyətləri barədə söhbət açır, qazandıqları uğur və
nailiyyətlərdən danışırlar.
“STAR SHOW Rüfətlə” Qafqaz Televiziyasında “talk show” formatında
olan bir verilişdir. Bu verilişdə Azərbaycanın tanınmış
müğənniləri, sənətkarları, məşhur şəxslər qonaq olur.
Universitetin müəllim və tələbələrinin də tamaşaçı kimi
televiziyaya münasibəti müsbətdir.
Qafqaz Universitetinin dosenti, Dr. Sərvər Qurbanov bildirir ki,
televiziyada yayımlanan iqtisadiyyat xəbərləri verilişini
izləyirəm: “Bu fəaliyyət iqtisadi xəbərlərin mətbuatda yer alma
formasını və üslubunu tələbələrin öyrənməsinə imkan yaradan xüsusi
bir fürsətdir. İqtisadi jurnalistika mövzusunda ilkin təcrübə kimi
də qiymətləndirmək olar. Bununla yanaşı, tədris dili ingilis
dilində olan çox saylı iqtisadiyyat və idarəetmə bölmələrinin
tələbələrinin Azərbaycan dilində iqtisadi terminlərin yaxşı
öyrənməsinə şərait yaradmaqdadır. Tələbələrimizin hazırladığı,
aparıcılığını və müxbirliyi ilə bağlı işləri yerinə yetirdikləri
“İqtisadi Dəqiqələr” verilişi nəticəsində bir qrup tələbəmiz
dərslərdən əlavə dünya iqtisadiyyatında gedən prosesləri yaxından
izləmək imkanına qovuşurlar. Tələbələr hər həftə dünyada baş verən
iqtisadi prosesləri izləyərək, mühüm hadisələri verilişdə
işiqlandırırlar. Beləcə, tələbələr arasında iqtisadi biliyin
ötürülməsi prosesi vüsət alır ki, bu da ümumilikdə tədrisin əsas
elementlərindən biridir. Qafqaz TV -si müəllimlər üçün də o fürsəti
meydana gətirir ki, yaxşı veriliş layihəsi olan müəllim, bir qrup
tələbəni bu işə cəlb edərək, bu layihəni reallaşdıra bilər.
Ümumilikdə isə “Qafqaz TV” -dəki verilişlərin tamamilə tələbələrin
ixtiyarında olan, dərsdən kənar sosial fəaliyyət kimi nəzərə almaq
lazımdır. İnanıram ki, iqtisadi verilişlərimizin bəhrəsi olaraq, az
sayda da olsa, iqtisadi jurnalistikanı bilən kadrlar
yetişəcəkdir”.
Onun sözlərinə görə, beləliklə Azərbaycan mətbuat orqanlarının kadr
ehtiyacını iqtisadiyyat elmini bilən, jurnalistikadan isə ilkin
anlayışları olan məzunlarımız ödəyəcək.
-
Magazin104:44
Xalq artisti canlı yayımda kövrəldi: “Darıxdığım var” - VİDEO
-
ABŞ03:13
Komaya düşən qalmaqallı bloqer ÖLDÜ
-
Səhiyyə02:42
Ən güclü qan qrupu: onun sahibləri ÇOX YAŞAYIRLAR
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?