Nida.az
Geosiyasi qarşıdurma Qafqazda: atəşin üstünə kim neft tökəcək?
Türkiyə ilə Rusiya arasında başlayan “təyyarə böhranı” iki ölkə arasındakı münasibətlərə ciddi zərbə vurdu. Qarşılıqlı ittihamlar və atılan addımlar fonunda gündəmə gələn məsələlərdən biri də Dağlıq Qarabağ münaqişəsi ilə bağlıdır. “Türkiyə Rusiyaya qarşı Qarabağdan cəbhə açır” manşetləri Rusiya mediasında əsas xəbərə çevrildi. “Kommersant” nəşrinin Moskva ilə yaranan böhrandan sonra Əhməd Davudoğlunun “Azərbaycan torpaqlarının azad olunması üçün əlimizdən gələni” edəcəyi açıqlamasından çıxış edərək ortaya atdığı bu iddiaya digər Rusiya KİV-ləri də xüsusi yer verdi.
“Yeni geosiyasi qarşıdurmalar Qarabağ atəşinə neft
tökəcək”
Misal üçün, “solovei.info” saytı diplomatik mənbəyə istinadən
Dağlıq Qarabağda müharibənin başlaya biləcəyi xəbərini yayıb.
“Dağlıq Qarabağ Türkiyə və Rusiya arasında ciddi qarşıdurmaya səbəb
ola bilər. Ərdoğan Azərbaycan tərəfindən çıxış etmək
niyyətindədir”, - deyə diplomatik mənbənin məlumatına deyilir.
“Polit.ru” saytı da eyni iddialardan çıxış edərək Qarabağda Ankara
və Moskvanın müharibəyə başlayacağı ehtimalının güclü olduğunu
yazıb.
“Anlamaq lazımdır: Qarabağ Cənubi Qafqazda barıt
çəlləyidir. Təhlükəsizlik siyasəti üzrə ixtisaslaşan Stokholm
İnstitutunun direktoru Svante Kornell deyirdi ki, “Qafqaz
münaqişələrində Qarabağ ən böyük strateji və ümumregional qiymətə
malikdir. 1990-cı illərdən sonra Qarabağ münaqişəsi Qafqazda
dövlətlərin əsas qarşıdurma nöqtəsinə çevrilib”. Kornellin dediyi
kimi, Qarabağ Cənubi Qafqazda böyük müharibənin başlanması üçün ən
qaynar nöqtədir. Görünür, yeni geosiyasi qarşıdurmalar Qarabağ
atəşinə neft tökəcək”. Bu barədə isə “Svoboda Pressa”
nəşri yazıb.
Publika.az xəbər verir ki, rusiyalı politoloqlar
da regionda mümkün müharibənin ciddiliyi haqda danışırlar.
“Paris sammitində prezidentlərin görüşü vəziyyəti dəyişə
bilər”
Hərbi ekspert Vadim Kozyulin hesab edir ki,
Türkiyənin Qarabağ üzərindən Rusiyaya zərbə endirəcəyinə dair
xəbərlər bir qədər şişirdilmiş olsa da, burada müəyyən həqiqət payı
da var: “İndi iki ölkə arasında ciddi çatlar yaranıb və hər iki
ölkənin siyasi addımları kəskinləşir. Bu baxımdan, Türkiyənin
Qarabağ üzərindən Moskvaya həmlə edəcəyi də gözləniləndir. Lakin bu
məsələdə hələlik tələsmək lazım deyil”.
Onun sözlərinə görə, Türkiyə Dağlıq Qarabağ məsələsində həmişə
Azərbaycanı dəstəkləyib: “Burada təəccüblü heç nə yoxdur. Lakin o
da mümkündür ki, Ankara bu dəfə daha sərt həmlələr etsin. Qeyd
etmək lazımdır ki, burada böyük risklər var. BMT-nin Paris
sammitində prezidentlərin görüşməsi ehtimalı vəziyyəti dəyişdirə
bilər”.
Ekspert Azərbaycanın da bu məsələdə ehtiyatlı davrandığını qeyd
edib.
“Bakı əla anlayır ki, bu o qədər də xoşagələn hal deyil. Azərbaycan
həm üçün qardaş ölkəsi, həm də qonşu Rusiya önəmlidir”, - deyə o,
bildirib.
“Bakının ən azı yedi rayonu qaytarmaq imkanları yarana
bilər”
Politoloq Qriqori Trofimçuk hesab edir ki.
Ankaranın Qarabağ məsələsində Bakının yanında olduğuna dair
bəyanatı Rusiyanın siyasi bəyanatlarına bir cavab idi: “Hansı ki,
Vladimir Putin Türkiyənin Rusiya təyyarəsini vurmasını “arxadan
zərbə” olaraq qiymətləndirdi. Hesab edirəm ki, Rusiyaya qarşı olan
Qərb Türkiyə-Rusiya münasibətlərinin kəskinləşməsindən maksimum
istifadə edəcək. Burada birinci addım Qarabağ ola bilər”.
Politoloq qeyd edib ki, Qafqazda Rusiyaya qarşı atılacaq addımlar
təkcə Qarabağla yox, digər münaqişələrlə də ola bilər.
“Türkiyə və onun Qərb müttəfiqləri Qarabağ məsələsində Bakıya ciddi
dəstək verəcək. Bu dəstəkdən çıxış edən Bakının ən azı yedi rayonu
qaytarmaq imkanları yarana bilər. Lakin Azərbaycan onu da anlayır
ki, bu proseslərdə yeni müharibəyə cəlb oluna bilər. Əslində bu
proses Cənubi Qafqazda təsir imkanlarının yeni bölgüsünə aparan
məqsədə xidmət edir. Qarabağ münaqişəsini Rusiyanın diqqətdən
yayındırmaq istəyirlər. Əslində Qərb Azərbaycana təzyiqlər etməklə
Rusiya ilə münasibətlərini kəsmək istəyir”, - deyə o bildirib.
Qriqori Trofimçukun fikrincə, Rusiyanın diqqəti Qarabağ
münaqişəsindən yayınsa, bu regionda yeni müharibənin olması ilə
nəticələnə bilər: “Türkiyə praktiki olaraq Qafqazda güclənmək
xəttini yerinə yetirir və əgər kimsə Türkiyəyə qarşı hücum etsə,
bu, NATO-ya hücum etmək kimi qəbul olunacaq. Beləliklə, yarana
biləcək qarşıdurma bütün Xəzər və Qara dəniz hövzəsini əhatə
edəcək”.
Asif Nərimanlı
-
Sosial22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin222:00
Sevgilisi məşhur aktrisanı döydü: "Aylarla..."
-
Sosial21:36
Daxili İşlər Nazirliyi əhaliyə ÇAĞIRIŞ ETDİ
-
İnanc21:24
Ramazanın 19-cu gününün duası - İmsak və iftar vaxtı
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI