Nida.az
ABŞ-ın Türkiyə və Azərbaycana qarşı “erməni ordusu” – MƏXFİ
Amerikanın ermənilərə məxfi dəstək verdiyi haqda yeni faktlar ortaya çıxıb.
Publika.az xəbər verir ki, Rusiyanın “oxitmity”
saytının erməni yazarı Vaqram Aqajanyan ABŞ-da yaradılan erməni
legionu ilə bağlı “qürurverici” xəbər yazıb.
“ABŞ-dakı ermənilərdən təşkil olunan Amerikanın erməni legionu
(American Armenain Legion) müxtəlif növ silah növündən atəş açmaq
və döyüş sənətinin incəliklərini öyrənmək üçün təlim keçib. Amerika
erməni legionunda hər biri beş nəfərdən ibarət olan bir neçə qrup
var. Onlar ABŞ ordusunun dəniz piyada qoşununun keçmiş zabitlərinin
rəhbərliyi altında məxfi hazırlıq keçirlər. Erməni legionunda bir
neçə min döyüşçü cəmləşib”, - deyə xəbərdə qeyd olunur.
Erməni müəllifin sözlərinə görə, bu legion vaxtilə “erməni
soyqırımı”ndan sonra müdafiə məqsədilə yaradılıb.
V. Aqajanyan qondarma “erməni soyqırımını” gerçək kimi təqdim edir
və qeyd edir ki, bu legion Türkiyəyə, həmçinin, bütün türklərə
qarşı unikal hərbi birlikdir: “Legionun tərkibini ABŞ-dakı erməni
icması seçir. Türkiyə bu legiona görə ABŞ tərəfinə narazılığını
bildirib”.
Müəllif bu haqda informasiyaları erməni diasporunun KİV
məlumatlarından götürdüyünü bildirib.
Qeyd edək ki, bir müddət öncə Türkiyə mediası da ABŞ-dakı erməni
legionu haqda informasiyalar yaymışdı. Belə ki, “Sabah” qəzeti
Türkiyə kəşfiyyatındakı mənbəyə istinadən xəbər verirdi ki, MİT
erməni legionunun təlimlərini əks etdirən fotogörüntülər əldə edib.
Onlar Kaliforniya (bu ştat ABŞ-da ermənilərin ən çox yaşadığı
yerdir – red.) yaxınlığında yaradılan xüsusi düşərgədə təlim
keçirlər.
Publika.az Amerika erməni legionu ilə araşdırmalarında maraqlı
faktlarla qarşılaşıb.
Məlumata görə, Nyu-York, Çikaqo, Vaşinqton və Uotertaundan olan
ermənilər 1917-ci ildə qurulan legiona üz tuturdular. Onlar
Nyu-Yorkda legiona üzv olur, Nyu-Cersi ştatında təlimlər
keçirdilər.
Erməni mənbələri iddia edir ki, ermənilər avropalıların hərbi
birliklərinin tərkibində hələ orta əsrlərdə döyüşüblər. Hətta
Yerusəlimin (Qüdsün) işğalı ilə nəticələnən Səlib yürüşlərində
iştirak etdikləri iddia olunur.
Bu faktlar hazırda Türkiyə və Azərbaycana qarşı iddia və
işğal siyasətinə rəğmən, Avropanın niyə Ermənistanı dəstəkləməsinə
elə erməni mənbələrində verilən ən yaxşı cavabdır. Yəni xristian
həmrəyliyi və islamafobiyanın əsası hələ XI-XII əsrlərdə qoyulub və
günümüzdə daha da genişlənib.
Digər məlumatlarda isə ermənilərin I Dünya müharibəsi zamanı da
avropalılarla hərbi əməkdaşlıq etdiyi deyilir. Tarixdən bəllidir
ki, 1916-cı ildə Türkiyəyə qarşı döyüşən fransız ordusunun
tərkibində erməni legionu yaradılıb. Bu təşəbbüsü Misir siyasətçisi
olmuş, o vaxt erməni nümayəndə heyətinə rəhbərlik etmiş Poqos Nubar
irəli sürmüşdü. O, həmin vaxtlar qondarma “erməni soyqırımı”
məsələsinin tanınması üçün aktiv iştirak edirdi. Legion Kiprdə
yerləşirdi və Osmanlı Türkiyəsində yaşayan erməniləri cəlb etməyi
planlaşdırırdı.
Bu haqda Yaxın Şərqin nüfuz dairələrinə bölünməsinə səbəb olan,
daha sonra Sevr müqaviləsinin bazasını təşkil etmiş Sayksa-Piko
müqaviləsində də çox maraqlı məqamlar var. Müqavilədə deyilir ki,
“1. Erməni könüllüləri nə Fransada, nə də başqa Avropa cəbhələrində
deyil, yalnız və yalnız Asiya Türkiyəsində öz əsrlik düşmənlərinə
qarşı vuruşaraq torpaqlarını xilas etməlidir. 2. Müttəfiqlərin
qələbəsindən sonra Fransa öz idarəçiliyi altında ermənilərə
muxtariyyət verəcək”.
Bu faktlar Osmanlı Türkiyəsində yaşayan ermənilərin dövlətə
qarşı xəyanətini sübut edir və qondarma “erməni soyqırımı”
məsələsinin hələ o vaxtdan Osmanlıya, indi isə Türkiyəyə qarşı
qurulmuş oyun olduğunu ortaya çıxarır.
XX əsrin əvvəllərində ABŞ-da yaşayan ermənilər Nyu-Yorka
toplanaraq, gəmilərlə Fransaya yola düşür, oradan Misir və Kiprdə
yaradılmış hərbi düşərgələrə gəlirmişlər. 5 min döyüşçüsü olan
legion Yaxın Şərq cəbhəsində döyüşürdü.
Həmin legionun tör-töküntüləri indi Kaliforniya
yaxınlığında təlim keçir və türklərə, Türkiyəyə və Azərbaycana
qarşı döyüşmək üçün hazırlanır. Bütün bunların fonunda “Dağlıq
Qarabağ münaqişəsinin həll olunması üçün “çalışan” Minsk qrupundan
mədəd ummağımız nə qədər realdır” sualı ön plana çıxır. Göründüyü
kimi, istər ABŞ, istər Fransa, istərsə Rusiya bu münaqişənin həlli
üçün beynəlxalq hüquqa söykənən addım atmayacaqlar. Bu, artıq sübut
olunmuş məqamdır. Lakin son siyasi proseslər fonunda ABŞ-dakı
erməni legionun tarixindəki bəzi məqamlar uzlaşır. Bir neçə gün
öncə 34 ildir ki, Nyu-Cersidən konqresmen olan Kristofer
Smit ABŞ Helsinki Komissiyasına Azərbaycanda yüksək vəzifəli
məmurlara sanksiyaların tətbiq olunması üçün “Azərbaycanda
Demokratiya Aktı” təqdim etdi. Smitin erməni lobbisi ilə yaxın
münasibətlərinə dair faktlar bunun Azərbaycana qarşı əslində
“erməni hərəkatı” olduğu aydındır (http://publika.az/p/119315).
Lakin Amerika erməni legionunun XX əsrin əvvəllərində poliqon kimi
Nyu-Cersi ştatını istifadə etmələri də bu fikri gücləndirir.
Görünür, ermənilər uzun illərdir bir çox ştatlar kimi Nyu-Cersidə
də kök salıblar və K. Smit kimi konqresmenlər onlardan asılı olaraq
fəaliyyət göstərir.
İndi ABŞ-dan Azərbaycanla bağlı nə qədər obyektiv qərar
gözləmək şübhələr doğurur. Lakin bütün hallarda erməni müəlliflərin
“qürurverici” olaraq təqdim etdikləri faktlar bir çox siyasi
proseslərin astarını üzünə çevirməyə də kömək edir.
Asif Nərimanlı
-
Dünya12:41
Avropadan şok etiraf gəldi: SEPAH-ı terror təşkilatı kimi tanıya bilmərik
-
Elm və təhsil12:23
Nazirdən Xocalı və Xankəndi ilə bağlı müjdə
-
Sosial11:56
Əli Əsədov qərar imzaladı
-
Yaxın Şərq11:26
Rəsmi Tehran: Saniyələr ərzində cavab verəcəyik
-
Magazin111:00
Mələkxanım Eyubovanın bloger qızı Nəzrinin xınası - VİDEO / FOTO
-
Pul10:25
Görün rubl neçəyə oldu: Oktyabrın 30-dan bəri ilk dəfə...
-
Nida Xəbər 09:54
Müharibə iştirakçılarının müavinətləri bu qədər olacaq
-
Maraq dünyası09:18
Yerin dərinliyində nəhəng okean tapıldı: Bu nəzəriyyə dağıldı, alimlər çaş-baş qalıblar