Ayan sevgililər gününə belə hazırlaşdı - VİDEO

Müğənni Ayan Babakişiyeva Sevgililər günü ərəfəsində sevgiyə həsr olunan yeni mahnısını təqdim edib.

Publika.az xəbər verir ki, sözləri Baba Vəziroğluna, musiqisi Elçin İmanova, aranjemanı Emil Minşayevə məxsus olan mahnı “Çağır gələrəm” adlanır.

Tez-tez repertuar təzələyən Ayan bu mahnını sənətində dönüş hesab edib:

“Mahnı 2 il yarım öncə yazılıb. Sənətimdə dönüş edəcəyinə inanıram. Elçin İmanovdan bəstə ifa edəndə düşünürəm ki, bu mahnı sıradan deyil, sənətkarların qulaq asacağı mahnıdır. Elçin İmanov həm də müəllimimdir. Elə oxutdurur ki, mahnıya yanaşma, çalarlar hamısı yerində və gözəl olur. Mahnının sözlərini də çox bəynmişəm, dərin sözlərdir. Əslində, şeirin adı “Sevgi ayrılıqdan güclüdür vallah” adlanır. Biz “Çağır gələrəm” adlandırdıq. Göründüyü kimi o biri dünyada olsa belə, sevgi nə qədər güclüdür ki, ayrılıqdan, o dünyadan sevgisi üçün qayıdıb gəlir. İstəyərəm ki, hamı belə sevsin, bu yazılan sözlərdəki kimi sevsin. Reperturımdakı ən sevdiyim mahnılarımdan biri olacaq, çünki sənətkarlar işləyib. Eyni zamanda, həyatında əsl sevgi yaşayanlar üçün gözəl bir ərməğan olacaq”.

Cəvahir