Magazin1
Deputat nazir qarşısında məsələ qaldırdı - Publika.az-ın yazısına REAKSİYA
Xalq artisti, Şərqdə ilk opera yazan qadın bəstəkar Şəfiqə Axundovanın Şəkidə doğulub boya-başa çatdığı mülk onun ev muzeyi ola bilər.
Bu barədə onun bacısı Rəfiqə Axundova Publika.az-a açıqlamasında deyib.
R.Axundova bildirib ki, onun saytımıza müsahibəsindən bir neçə gün sonra millət vəkili Qənirə Paşayeva məsələyə reaksiya verib.
Xatırladaq ki, bacısı həmin müsahibəsində Şəfiqə xanımın son arzusundan danışıb. Bildirib ki, bəstəkar Şəkidə doğulub boya-başa çatdığı və müəyyən səbəblər üzündən başqasına satılan dədə-baba evinin onun ev muzeyi olmağını arzulayıb. Lakin pulları olmadığından 10 min manata satılan həmin evi geri ala bilməyib.
Milli Məclisin deputatı Qənirə Paşayeva da bəstəkarın arzusu barədə məhz Publika.az-dan xəbər tutub:
“Böyük bəstəkarımız, xalq artisti, Şərqdə ilk opera yazan qadın olaraq tarixə düşən Şəfiqə Axundovanın bacısının müsahibəsini saytınızda oxudum. İlk reaksiyamı da məhz sosial şəbəkə vasitəsi ilə verdim. Rəfiqə xanımın səsləndirdiyi fikirlərə qoşularaq Şəki rayon icra hakimiyyətindən, icra başçısı Elxan müəllimdəm Şəfiqə xanımın son arzusunu həyata keçirmələrini xahiş etdim. Bununla bağlı rəsmi müraciət də hazırladıq. Bu gün müraciətlər müvafiq qurumlara göndəriləcək”.
Millət vəkili bəstəkarın adına Şəkidə və paytaxt Bakıda küçə, mədəniyyət obyekti verilməsi məsələsini də gündəmə gətirib:
“Doğulduğu Şəkidə onun adının əbədiləşdirilməsi bu qədim diyarımız üçün də fəxr olmalıdır. Şəkiyə gələn turist üçün Şərqdə ilk opera yazan qadının ev muzeyini ziyarət etmək çox maraqlı olacaq. Bu, Şəkinin adını daha da ucaldar. Ümid edirəm ki, səsimizi və çağırışımızı Şəki Rayon icra başçısı Elxan müəllim, mədəniyyət və turizm nazirimiz Əbülfəz müəllim eşidəcək və əsərləri, hər gün zövqlə dinlədiyimiz gözəl mahnıları ilə könlümüzdə taxt qurmuş əziz Şəfiqə xanımın adının əvədiləşməsi üçün addımlar atılacaq. Çətinliklərlə dolu bir ömür sürmüş Şəfiqə xanımın da ruhu şad olacaq”.
Rəfiqə Axundovanın Publika.az-a müsahibəsini buradan oxuya bilərsiniz.
http://publika.az/p/122918
Cəvahir Səlimqızı
-
ABŞ03:13
Komaya düşən qalmaqallı bloqer ÖLDÜ
-
Səhiyyə02:42
Ən güclü qan qrupu: onun sahibləri ÇOX YAŞAYIRLAR
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?
-
Magazin123 Aprel 23:36
Tünzalə imicini dəyişdi - FOTO