Dünya

Dünyanın yeni supergücü müsəlman ölkə olacaq

28 Aprel 2016 20:24

“Səudiyyə Ərəbistanı dünyada əhəmiyyətli bir maliyyə gücü olma yolunda irəliləyir”

Publika.az xarici mediaya istinadən xəbər verir ki, bunu “Pulitzer” mükafatının sahibi və IHS şirkətinin baş direktorunun köməkçisi Daniel Yergin deyib.

Kolumbiya Universitetinin təşkil etdiyi “2016: Qlobal Enerji Sammiti”ndə danışan Yergin Səudiyyə Ərəbistanının neftdən olan asılılığını azaltmaq üçün hazırladığı 2030-cu il strategiyasını qiymətləndirib. Onun sözlərinə görə, Səudiyyənin iqtisadi sahədə apardığı islahatlar ölkədəki gənc əhaliyə məşğulluq təmin edəcək.

“Səudiyyə Ərəbistanı neft sənayesində güclü olduqları kimi dünya iqtisadiyyatında da super maliyyə güc olmağı hədəfləyir və bu yolda irəliləyirlər”, - o, bildirib.

Ömər Dağlı