Maraqlı təklif: Yaxşı yazan, Braziliyaya aparılsın!
Bizi izləyin

İdman

Maraqlı təklif: Yaxşı yazan, Braziliyaya aparılsın!

Bu gün Mətbuat Şurasında Rio-2016 mövzusunda dəyirmi masa keçirilib.

Publika.az xəbər verir ki, Milli Olimpiya Komitəsi ilə Mətbuat Şurasının birgə təşkilatçılığı ilə baş tutan tədbirdə idmançılarımızın Braziliyada keçiriləcək Olimpiadada iştirakından, bu mötəbər yarışda idman mediasının gördüyü və görəcəyi işlərdən danışıldı.

MOK-un vitse-prezidenti Xəzər İsayevin də iştirak etdiyi tədbiri giriş sözüylə açan Mətbuat Şurasının sədri, millət vəkili Əflatun Amaşov çıxışının sonunda maraqlı təklif də irəli sürdü:

“Bir il əvvəl ölkəmizdə İlk Avropa Oyunları keçirildi. Həmin yarışı ümumilikdə 1200-yə yaxın jurnalist işıqlandırdı ki, onların da tən yarısı – 600-ə yaxını Azərbaycanı təmsil etdi. Bu da onu göstərir ki, Azərbaycanda idmana maraq olduqca böyükdür. İdman mediası da bu sahədə işini lazımi səviyyədə qura bilib. Qarşıdan daha bir böyük idman yarışı gəlir. Rioda keçiriləcək 31-ci yay Olimpiya Oyunları bizi də yaxından maraqlandırır. Və idman jurnalistləri Olimpiada mövzusunu daha çox diqqətdə saxlamalıdır. Hətta mən təklif edərdim ki, bu mövzuda ən yaxşı, mütəmadi yazan jurnalistə hədiyyə olaraq Rio olimpiadasına bilet verilsin. Yəqin ki, Milli Olimpiya Komitəsi bu təklifi nəzərdən keçirəcək”.

Pərviz Hikmət

Oxumağa davam et
Reklam
Reklam

Gündəm