Sağlamlıq

Telefon adamı kökəldirmiş - ARAŞDIRMA

29 May 2016 12:15

Yeni aparılan araşdırmalar gecələr çarpayıda telefonda gəzişməyin, sosial şəbəkələrdə vaxt keçirməyin kökəlməyə səbəb olduğunu sübut eləyib.

Publika.az xəbər verir ki, araşdırmada iştirak edən Nortvestern Universitetinin alimləri “ağıllı” telefonların insan üçün ən təhlükəli düşmən olduğunu açıqlayıblar.

“PLOS One” jurnalında yayımlanan araşdırmanın nəticələrinə görə, smartfon telefondan əks olunan mavi, parlaq işıq orqanizmdə bir çox dəyişikliyə səbəb olur. Bu işıq maddələr mübadiləsinin zəifləməsinə səbəb olmaqla yanaşı, insulinin səviyyəsinə də təsir edir. Qandakı şəkərin səviyyəsini yüksəltdiyi üçün bir müddət sonra qlyukoza orqanizmdə yağ halında toplanmağa başlayır. Bu isə bədənin piylənməsi ilə nəticələnir.

Alimlər bildiriblər ki, sadəcə gecə saatlarında deyil, ümumiyyətlə, gün ərzində “ağıllı” telefon və ya planşetlərdən mümkün olduğu qədər uzaq durmaq lazımdır.

Ləman Sultan