Dünya
Atatürk hava limanında partlayış: 36 ölü, 147 yaralı - VİDEO(YENİLƏNİB)
Bu gecə İstanbulda Atatürk hava limanında törədilən iki partlayış aktı zamanı həlak olanların sayı 36-ya çatıb.
Publika.az Türkiyə mətbuatına istinadən xəbər verir ki, xarici xətlər terminalında törədilən terror aktı nəticəsində bu dəqiqələrə olan məlumata görə 147 nəfər yaralı var.
Terror hücumu nəticəsində ölənlərin böyük əksəriyyəti kişilərdir. Artıq həlak olanlardan 4-nün şəxsiyyəti müəyyən edilib. Bunlar aşağıdakılardır:
Çağatay Çöl - hava limanı xidmətçisi,
Sadık Petek (47 yaş) - hava limanı xidmətçisi,
Mehmet Mert (30 yaş) - hava limanı xidmətçisi,
Ethem Uzunsoy (43 yaş) - hava limanı xidmətçisi.
***
01:20
İstanbul valisi Vasip Şahin hadisə ilə bağlı açıqlama verib. Onun sözlərinə görə, terror aktını 3 kamikadze törədib. Hadisə zamanı ölənlərin sayı 28 nəfərə çatıb.
***
00:50
Son məlumatlara görə, yaralıların sayı 60 nəfəri ötüb. Onlardan 6 nəfərinin vəziyyəti ağırdı. Xəsarət alan şəxslərin hamısı xəstəxanalara yerləşdirilib.
00:01
Son məlumatlara görə, partlayış nəticəsində 10 nəfər ölüb. Yarılalar barədə dəqiq məlumat yoxdur. İlkin məlumatlara görə, yaralıların sayı 40-dan çoxdur.
23:10
Bir neçə dəqiqə əvvəl İstanbulda Atatürk hava limanında iki partlayış olub.
Publika.az Türkiyə mətbuatına istinadən xəbər verir ki, hadisə xarici xəttlər terminalında baş verib. Partlayışdan sonra hava limanında atəş səsləri eşidilib.
Xeyli yaralı olduğu bildirilir. 30-dan çox təcili yardım maşını hava limanına göndərilib.
İlkin məlumatlara görə, iki terrorçu polislərin onlardan şübhələndiyini hiss edərək üzərilərində olan qumbaraları partladıblar. Bundan sonra polislə terrorçular arasında atışma olub.
Hadisə yerində təhlükəsizlik tədbirləri gücləndirilib. Bütün uçuşlar təxirə salınıb. Hava limanında təyyarələrin enməsinə və qalxmasına icazə verilmir.
Vasif Həsənli
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!