Dünya
İstanbul terrorunun arxasında kimlər dayanıb? – RƏYLƏR
Dünən axşam saatlarında İstanbul Atatürk hava limanında
terror aktı törədildi. Nəticədə 43 nəfər həlak olub, 147 nəfər
yaralanıb. Terror aktını kimin törətdiyi hələ məlum olmasa da,
“Associated press” agentliyinin yaydığı məlumatda məsuliyyəti
İŞİD-in üzərinə götürdüyü deyilir.
Bu, terror aktının törədilməsi son günlər Türkiyənin Rusiya,
eləcə də İsraillə münasibətləri düzəltməsi ilə yaxın gələcəkdə
güclənəcəyi gözləntiləri fonunda diqqət çəkir.
Publika.az İstanbul terrorunun məqsədi və
arxasında dayana güclərin kim olması ilə bağlı siyasətçilərin
rəyini öyrənib.
Mili Məclisin deputatı Elşən Musayev hesab edir ki, Qərbin
maskası artıq yırtılıb və açıq oynamağa başlayır: “Ərdoğanın hər
jestinə bir qarşılıq verir. Bu terror aktı da Rusiya-İsrail-Türkiyə
ittifaqına açıqlanan “münasibət”dir”.
Onun sözlərinə görə, Atatürk hava limanı Avropanın ən ciddi
qorunan strateji məkanlarından biridir: “Orada quş quşluğu ilə uça
bilməz, nəinki avtomatlı terrorçu. Deməli, aeroportun təhlükəsizlik
xidmətinə aylar, ya da illər öncə emissar yerləşdirilib və vaxtı
çatanda “düymə” basılıb. Canlı bombalar bütün hallarda psixotrop
maddələrlə anlaqsız vəziyyətə gətirilən icraçılardır. Onlar yalnız
prosesin “icra-ölüm” mərhələsində istifadə olunur. Qətlin lokal
planını quran əsl simalar isə çox güman terror anında yaralıları,
ölüləri təcili yardım maşınına daşıyanların arasındadır. Antalya da
daxil digər istiqamətlərə birbaşa və transfer uçuşları həyata
keçirən hava limanı son 6 ay ərzində ən gərgin qrafiklə məhz bu gün
işləyib. “Gediş” terminalının seçilməsi də təsadüfi deyil:
“23.00-23.50” arası uçuşlar “Atatürk”ün ana reysləri hesab olunur.
Həmin radələrdə giriş qapısından uzanan növbələr qaçılmazdır və
cinayətkar dəstə o təəssüratı yaratmaq istəyib ki, hadisə daxildən
deyil, çöldən içəri nəql edilib”.
E. Musayev qeyd edib ki, Türkiyəyə, Ərdoğana qarşı qurşaqdan
aşağı oynayırlar.
Politoloq Xaləddin İbrahim bu terror aktının Türkiyə-Rusiya və
Türkiyə-İsrail münasibətlərinin yaxşılaşmasını istəməyənlər
tərəfindən planlaşdırıldığını deyib: “Terrorun hava limanında
törədilməsi turizm sektorunun effektli fəaliyyətinə zərbədir,
Türkiyədə turizm sektoruna zərbə ümumi olaraq Türkiyə
iqtisadiyyatına zərbədir. Türkiyə iqtisadiyyatına zərbə onu
sözəbaxan hala gətirmək deməkdir. Beləliklə, zərbə Rusiya və
İsrailə deyil, birbaşa Türkiyəyə vurulur”.
Bunun kimə lazım olduğu məsələsinə gəlincə, X. İbrahimli
bildirib ki, hər kəs özü bu cavabı asanlıqla tapa bilər.
Politoloq Zərdüşt Əlizadə isə bu terror aktını Ankara-Moskva
yaxınlaşması ilə bağlamağın düzgün yanaş olmadığını hesab edir:
“Türkiyə artıq daim terrorun törədildiyi ölkəyə çevrilib. Burada
məqsəd Türkiyəni parçalamaqdır. Unutmamalıyıq ki, Türkiyənin
parçalanması və zəifləməsi daha çox Rusiyanın strateji maraqlarına
uyğundur”.
Politoloq terror aktının daha çox Türkiyədəki daxili
ictimai-siyasi vəziyyətdən qaynaqlandığını deyib.
Asif
-
Dünya21:36
Məşhur bloqer helikopterdən bir çanta pulu çimərliyə SƏPƏLƏDİ - VİDEO
-
Sosial21:24
Böyük ümidlərlə getmişdilər: ilk şəhidimizin məzarı tapılmadı - FOTO
-
Nəqliyyat19:48
Azərbaycanda bu taksi şirkəti BAĞLANIR - FOTO
-
Sosial19:12
Azərbaycanda tikintidə GÖRÜNMƏMİŞ HADİSƏ - VİDEO
-
Sosial18:40
Xankəndidə dünyaya gələn ilk körpənin ailəsinə MÜJDƏ
-
Sosial17:54
Əli Əsədov qərar imzaladı
-
Qarabağ 17:13
Xankəndidə ilk körpə dünyaya gəldi - FOTO
-
Qarabağ 16:38
Bu ölkələr Ermənistanı bizə qarşı silahlandırır, gözləyə bilmərik