Samiraldonun cavabı verildi - KƏSKİN

Stilist Samiraldonun gənc şair Taleh Mansuru söyməsi qarşı tərəfi hərəkətə keçirib. “Bunu sənə bağışlamayacam” - deyən şair stilistin cavabını verib.

Bu barədə Publika.az-a danışan şair, Samiraldoya xəbərdarlıq edib: “Mənim səni təhqir etmək fikrim yox idi, zarafatyana bir status yazmışdım. Amma sən məsələni böyütdün, söyüşə keçdin, onda məndən incimə. Deyirsən paltarlarına gözüm düşüb, əgər belə çoxdursa, apar o paltarlarını sat pulunu uşaq evlərinə göndər. Fanatlarınla məni qorxudursan, amma mən qorxaq oğlan deyiləm, hələ qazaxdan qorxaq kişi çıxmayıb”.

Qeyd edək ki, tərəflərin davasına Taleh Mansurun sosial şəbəkədə yazdığı status səbəb olub: “Allah stilist Samiraldonun təpəsinə yekə bir daş salsın. Camaatın ağzına söz salıb əclaf. Deyin nə olub? Deməli, uzun müddətdir görmədiyim Qəhrəman adlı bir dostum var. Bu gün uzaqdan gördüm ki, həmin bu dostum marşruta minir. Əl elədim, görmədi. Çağırmasam, məni görməyib gedəcəkdi. Elə ağzımı açıb, "Ay Qəhhhrəmaann, ay Qəhhrəmaan..." deyə çağırmışdım ki, ətrafdakı adamlar gülməkdən uğunub getdi. Vec(j)imə də almadım, özümü milyonları gülüşə qərq edən Çarli Çaplin kimi hiss elədim”.

Qarşılığında Samiraldo da videogörüntü ilə qarşı tərəfə söyüş yağdırıb.

Asya