Olimpiya Oyunlarında İLK DƏFƏ qaçqınlar komandası
Bizi izləyin

İdman

Olimpiya Oyunlarında İLK DƏFƏ qaçqınlar komandası

Olimpiya Oyunlarında ilk dəfə qaçqınlar komandası iştirak edəcək.

"Report" BMT-nin xəbərlər mərkəzinə istinadən məlumat verir ki, bu komandanın tərkibinə 10 idmançı daxildir.

Onlardan beşi Keniyadakı Kakuma qaçqın düşərgəsində yaşayan Cənubi Sudan vətəndaşlarıdır. Son bir il ərzində onlar Keniyanın paytaxtı Nayrobidə hazırlıq keçib.

"Mən digər qaçqınlar və idmançılarla görüşmək istəyirəm. Əlbəttə ki, mən Braziliyanı da görmək istəyirəm. Bura gələndən çoxlu məşq etmişəm, nəticələrimi yaxşılaşdıra bilmişəm. Əvvəllər 400 metrlik məsafəni 85 saniyəyə qaçırdım, indi isə cəmi 1 dəqiqəyə bu məsafəni qət edirəm", - deyə, qaçqın idmançılardan biri olan Andjalin Naday bildirib.

Rio-de-Janeyrodakı olimpiadaya yollanacaq qaçqınlar arasında Suriya və Konqodan olanlar da var.

Qeyd edək ki, XXXI Yay Olimpiya Oyunları avqustun 5-də başlayacaq.

Oxumağa davam et
Reklam
Reklam

Gündəm