Xalq artisti hansı həmkarına yaltaq dedi?

Xalq artisti, tanınmış aktyor Taryel Qasımov sənət aləmində qarşılaşdığı çətinliklərdən və düşmənlərindən danışıb.

Publika.az-a açıqlama verən aktyor filmlərə az çəkilməsinin səbəblərini də izah edib:

“Əslində mən çox filmə çəkilməliydim, amma mənə mane oldular, yolumu kəsdilər. Yadımdadır ki, “Doğma sahillər” filmində məni polkovnik roluna çəkmək istəmirdilər. Bədii şura yığışdı və qərar verdi ki, Tariyel bu filmə çəkilməyəcək. Filmin rəssamı Kamil Nəcəfov dedi ki, rejissor özü qərar verməlidir, kim çəkiləcək, kim çəkilməyəcək. Filmin rejissoru Əbdül Mahmudbəyli olmasaydı, israrla mənim çəkilməyimi tələb etməsəydi, mən o filmdə rol almayacaqdım. İnanmırsınız, özündən soruşun. Bildiyimə görə mənim yerimə üç namizəd var idi: Ramiz Novruzov, İlham Namiq Kamal və Ramiz Məlik. Mən rejissorlara yaltaqlanmırdım, əyilmirdim, buna görə də məni çəkmirdilər. Həmişə belə olub, yaltaqlar qabağa tez gediblər. Ləyaqətli insanlar da öz istedadları hesabına özlərinə yol açıblar”.

Cəvahir