Qırmızı.az
Azərbaycanda meşələrin sərhədləri dəyişəcək
2050-ci ilə qədər Azərbaycanda meşələrin sərhədlərinin dəyişəcəyi gözlənilir.
Azərbaycan Milli Elmlər Akademiyasının Coğrafiya
İnstitutunun İqlim və aqroiqlimşünaslıq şöbəsinin elmi işçisi,
coğrafiya üzrə fəlsəfə doktoru Məhərrəm Həsənov Trend-ə bildirib
ki, son dövrlərdə Azərbaycanda yağıntıların miqdarı 15-84 mm
azalıb. 2050-ci ilə qədər isə Azərbaycanda temperaturun
yüksələcəyi, yağıntıların miqdarının və havadakı rütubətin
azalacağı gözlənilir. Bu isə nəticədə ölkənin landşaftlarına təsir
göstərərək meşələrin yuxarı və aşağı sərhədlərinin dəyişməsinə
səbəb olacaq.
M.Həsənov deyib ki, hazırda meşələrin aşağı
sərhədi dəniz səviyyəsindən 600-800 metr, yuxarı sərhədi 2000-2200
metr yüksəklikdən keçir. İqlim dəyişmələrinin təsiri nəticəsində
sərhədlərin aşağı sərhədləri 200-300 metr yuxarı qalxa bilər. Bu
isə meşələrimizin sahəsinin azalması ilə nəticələnər: "Son
dörvlərdə Azərbaycanın bütün ərazisində havanın temperaturu 0,2-0,9
dərəcə yüksəlib. Əgər temperaturun yüksəlməsi davam edərsə,
meşələrin sərhədləri bir qədər yuxarı- 200-300 metrə qədər qalxa
bilər. Nəticədə meşələrimizin aşağı sərhədləri 800-1100 metrdən
başlaya bilər".
M.Həsənov bildirib ki, Azərbaycanın meşələrinin 90
faizi dağ, 10 faizi düzənlik meşələridir. Bu dəyişikliyin əsas
təsiri də dağ meşələrinə olacaq.
M.Həsənov hazırda bu məsələ ilə bağlı
tədqiqatların aparıldığını bildirib.
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT
-
Dünya10:56
NATO Rusiya ilə müharibəyə hazırlaşır - Bu ölkədən hücuma keçəcəklər
-
Nida Xəbər 10:30
Bu gün ilk Qədr gecəsidir