Ərdoğan tatarlarla bağlı Putinə sərt xəbərdarlıq etdi

Bu gün axşam saatlarında Türkiyənin Baş naziri Rəcəb Tayyip Ərdoğanla Rusiya prezidenti Vladimir Putin arasında telefon danışığı olub.

Publika.az xəbər verir ki, iki lider arasında Ukraynadakı möcvud böhran müzakirə edilib. Ərdoğan Krımdakı tatar türklərinin baş verənlərdən zərər görməməsi üçün Putinə xəbərdarlıq edib.

Krım Tatar Cəmiyyətinin lideri Mustafa Cəmil Kırımoğlunu əvvəlki gün Ankarada qəbul etdiyinə diqqəti çəkən Ərdoğan , tərəflər arasındakı dialoqun əhəmiyyətinə işarə edib.

Telefon danışığı zamanı Türkiyə ilə Rusiya arasında ticarət və enerji sahəsində əməkdaşlıq başda olmaq üzrə ikitərəfli əlaqələr də müzakirə edilib.

Oral Mədənçi