Qırmızı.az

Azərbaycanlı tələbə Ukraynada faciəvi şəkildə öldü (FOTO)

18 Aprel 2014 12:20

Ukraynanın Dnepropetrovsk şəhərində təhsil alan 19 yaşlı azərbaycanlı idmançı tələbə faciəli şəkildə vəfat edib.

ANS PRESS-in məlumatına görə, əslən Xaçmaz rayonundan olan 1994-cü il təvəllüdlü Aslan Xıdırov Smaqdaun döyüş növü üzrə idmanla məşğul olub. Beş gün qabaq isə məşq zamanı boynundan ağır zədə alıb və təcili xəstəxanaya çatdırılıb. Bir gün komada qaldıqdan sonra Aslan iflic vəziyyətdə özünə gəlib.

Bir neçə gün hissiyatsız vəziyyətdə xəstəxanada qalan gənc həkimlərin bütün cəhdlərinə baxmayaraq dünyasını dəyişib.

Oles Qonçarov adına Dneprepetrovsk Dövlət Universitetinin ikinci kurs tələbəsi olan Aslan Xıdırovun cənazəsi ötən gün Vətənə yola salınıb.

Azərbaycan bayrağını yüksəklərə qaldırmaq arzusu ilə yaşayan gəncin fotolarını sizə təqdim edirik. Allah rəhmət eləsin!