Nida.az
Kremlin Jirinoviski və Duqin dili: Millət vəkili təhlükəni açıqladı
“Duqini danışdırmaqla Rusiya Azərbaycana siyasi dillə
deyil, intellektual kəsimin dili ilə xəbərdarlıq edir”.
BNu barədə millət vəkili Fazil Mustafa Publika.Az-a açıqlamasında
Aleksandr Duqinin Azərbaycanı hədələməsinə münasibət bildirərkən
deyib.
Millət vəkili Duqini belə xarakterizə edir: “Duqin Rusiyanın aqressiv siyasətinin ideoloqlarından biridir. Bir mütəxəssis, filosof kimi kifayət qədər normal, sanballı əsərləri var. Onun siyasətin fəlsəfəsi əsəri var. Mükəmməl yanaşma tərzi, üslub, tarixi araşdırma metodologiyası və s. baxımından kifayət qədər sanballı əsərdir. Təbii ki, fikirlərində mübahisəli məqamlar var, amma o fəlsəfi fikirdə mütəxəssis kimi qəbul olunur. Son dövrlər o, daha çox Rusiyanın imperalist siyasətinin genişlənməsinə xidmət edir. Bu baxımdan, onun tezisləri daha çox mətbuatda yer alır”.
F. Mustafa hesab edir ki, Duqinin hədələri Kremlin sifarişidir:
“O burda ildırımötürən rolunu üzərinə götürür və Moskvanın
fikirlərini çatdırır. Dediklərinin öz düşüncələri olduğunu az
ehtimal etmək olar. Moskva hər şeyi Jirinoviskinin ağzı ilə deyəndə
siyasiləşir. Amma Duqinin ağzı ilə danışmaq daha real təhlükənin
olduğu deməkdir”.
Duqini XXI əsrin Rasputini hesab etmək olar fikri ilə millət vəkili
razılaşmır. Onun fikrincə, Rusiyanın bu gün də Rasputinləri
var.
“Duqin sırf ziyalı tipajdır. Rasputin isə münəccim modelidir. Bu modeldə bu gün də Moskvanın yanında müəyyən adamlar var. Duqin isə elmi məsələlərlə məşğuldur, amma aqressiv xəttə üstünlük verir və daha çox imperialist baxışını ortaya qoyur”-deyə F. Mustafa qeyd edib.
Qeyd edək ki, Aleksandr Duqin Azərbaycanı Ukraynanı dəstəklədiyi
üçün hədələyib və Moskvanın Bakıya qarşı istifadə edə biləcəyi
amilləri ortaya qoyub: “Azərbaycanda talış və ləzgi amili
mövcuddur. Bundan başqa, Azərbaycanın ciddiliyini təsəvvür etmədiyi
Rusiyanın yararlanacağı başqa amillər də var. Rusiyada dost,
dialoq, yaxud düşmən dilində danışmaq üçün çox dil var.
Unutmamalıdırlar ki, Rusiya təkcə Dağlıq Qarabağ amilindən deyil,
başqa amillərdən də istifadə edə bilər”.
Duqin qeyd edib ki, bu gün Rusiya Ermənistan və Azərbaycanın
ərazi bütövlüyünə zamindir, həmçinin Qarabağa görə də əsas zamin
hesab olunur: “Əgər Rusiya bu funksiyadan imtina etsə Ermənistanın
və Qarabağın ərazi bütövlüyünə zəmanət verilməyəcək. Rusiya
mütənasib dövlətdir və təbii ki, Rusiya ilə qonşu ölkələrin ərazi
bütövlüyü onların Moskva ilə mehriban münasibətlərin
saxlanılmasından keçir”.
Kremlin ideoloqu iddia edib ki, bu gün ermənilər Rusiya ilə
razılaşıb, deməli, Qarabağ da Rusiyanındır.
Azərbaycanın Ukraynanın ərazi bütövlüyünü dəstəkləməsindən
qəzəblənənə Duqin Bakının Rusiyaya qarşı çıxdığını bildirib.
“Amma Saakaşvili və Kiyev hakimiyyətinin aqibəti bizə göstərir ki, belə siyasətin sonu nə ilə qurtarır. Əgər Rusiya Azərbaycana qarşı çıxacaqsa- hansı ki, Rusiyaya bədxah münasibət sərgiləyirlər, bunu BMT-də gördük- əlində Dağlıq Qarabağ amilindən savayı istifadə edəcəyi başqa amillər də var. Azərbaycandan fərqli olaraq Ermənistan özünü sadiq dost kimi göstərdi. Biz bunu qiymətləndiririk. Azərbaycan isə bizi gözləmədən satdı, bunu da qiymətləndirirk. Biz susacağıqmı, xeyr. Onlar özünü məhv etmə yolu ilə gedirlər”-deyə Kremlin ideoloqu bildirib.
Asif
-
Sosial21:36
Daxili İşlər Nazirliyi əhaliyə ÇAĞIRIŞ ETDİ
-
İnanc21:24
Ramazanın 19-cu gününün duası - İmsak və iftar vaxtı
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI
-
Elm və təhsil19:12
Emin Əmrullayev ona VƏZİFƏ VERDİ
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO