Ekoloji qanunvericiliyi pozanlar 1 milyon manat cərimələndi
Bizi izləyin

Qırmızı.az

Ekoloji qanunvericiliyi pozanlar 1 milyon manat cərimələndi

Aprelin 1-dən 15-dək ölkə ərazisində ekoloji qanunvericiliyin tələblərinə riayət olunmasını yoxlamaq məqsədilə araşdırma aparılıb.

Bu barədə Publika.Az-a Ekologiya və Təbii Sərvətlər Nazirliyinin mətbuat xidmətindən məlumat verilib.

Məlumatda bildirilir ki, nazirliyin Ətraf Mühitin Mühafizəsi Departamentinin əməkdaşları tərəfindən araşdırma aparılıb. Bu zaman hüquqi və fiziki şəxslər tərəfindən su və torpaq ehtiyatlarının, atmosfer havasının, yerin təkinin, fauna və floranın mühafizəsi, o cümlədən ətraf mühitə qanunsuz məişət və istehsalat tullantılarının yerləşdirilməsi sahəsində yol verilmiş qanun pozuntularına görə 186 akt və protokol tərtib olunub, nöqsanların aradan qaldırılması üçün icrası məcburi olan 53 müddətli “məcburi göstəriş” verilib.

Ümumilikdə, 54 iş üzrə 1018180 manat məbləğində cərimə tətbiq edilib, ətraf mühitə dəymiş ziyana görə 22 iş üzrə 59825.65 manat məbləğində iddia qaldırılıb, ətraf mühitə tullantıların atılmasına və axıdılmasına görə hüquqi və fiziki şəxslərə 160 iş üzrə 50009.31 manat məbləğində ödəmə tətbiq edilib. Tədbir görülməsi üçün hüquq-mühafizə orqanlarına 8, icra qurumlarına 25, məhkəmələrə isə 2 iş göndərilib.

Gülxar

Oxumağa davam et
Reklam
Reklam

Gündəm